Chapter 1

“اے لوگو! اپنے اس رب کی عبادت کرو جس نے تمہیں اور تم سے پہلے کے سب کو پیدا کیا یہی تمہارا بچاؤ ہے۔(21) جس نے تمہارے لئے زمین کو بچھونا بنایا اور آسمان کو چھت اور آسمان سے پانی اتار کر اس سے پھل پیدا کر کے تمہیں روزی دی۔ خبر دار باوجود جانے کے اللہ کے شریک مقرر نہ کرو”۔{2:21,22}

“تم اللہ کے ساتھ کیسے کفر کرتے ہو حالانکہ تم مردہ تھے۔ اس نے تمہیں زندہ کیا پھر تمہیں مار ڈالے گا پھر زندہ کرے گا پھر اسی کی طرف لوٹا کر لائے جاؤ گے”۔ {2:28,29} اللہ تعالی کا پیغام،بندوں کے نام فہرست ابواب نمبر عنوانات صفحات 1 پہلا باب : اللہ تعالی کا تعارف 2 دوسرا باب : آدم علیہ السلام سے حضرت عیسی علیہ السلام تک قرآنی تذکرے 3 تیسرا باب :حضرت محمد صلی اللہ علیہ وسلم- خاتم النبیین 4 چوتھا باب :آیات کے خاکے 5 پانچواں باب : آخرت كى زندگی- جنت يا جہنم ٭٭٭ باب اول اللہ تعالی کا تعارف

"الله نور ہے آسمانوں کا اور زمین کا اس کے نور کی مثال مثل ایک طاق کے ہے جس میں چراغ ہو اور چراغ شیشہ کی قندیل میں ہوں۔اور شیشہ مثل چمکتے ہوئے روشن ستارے کے ہو۔ وہ چراغ ایک ہا برکت درخت زیتون کے تیل سے جلایا جا تا ہو جو درخت نہ مشرقی ہے نہ مغربی نہ خود وہ تیل قریب ہے کہ آپ ہی روشنی دینے لگے گوا سے مطلقاً آگ لگی ہی نہ ہو نور پر نور ہے۔ اللہ اپنے نور کی طرف رہنمائی کرتا ہے جسے چاہے -لوگوں کے سمجھانے کو یہ مثالیں اللہ بیان فرما رہا ہے- اللہ ہر چیز کے حال سے بخوبی واقف ہے۔" (24:35)

"تم سب کا معبود ایک اللہ ہی ہے اس کے سوا کوئی معبود برحق نہیں وہ بہت بڑا بخشش کرنے والا اور بڑا مہربان ہے ۔" (2:163)

“یقیننا تم سب کا معبودایک ہی ہے(4) آسمانوں زمینوںاور ان کے درمیان کی تمام چیزوںاور مشرقوںکا رب وہی ہے (37:4,5)”-

“آپ کہہ دیجئے کہ وہ اللہ تعالیٰ ایک ہے(1) اللہ تعالیٰ بےنیاز ہے (2) نہ اس سے کوئی پیدا ہوا اور نہ وہ کسی سے پیدا ہوا (3) اور نہ کوئی اس کا ہمسرہے”۔(112:1.4)

"اس جیسی کوئی چیز نہیں۔" (42:11)

اﷲ واحد ہے، اسکی کرسی کی وسعت نے زمین و آسمان کو گھیر رکھا ہے۔{2:255}“اللہ تعالیٰ ہی معبود برحق ہے جس کے سوا کوئی معبود نہیں جو زندہ اور سب کا تھامنے والا ہے، جسے نہ اونگھ آتی ہے نہ نیند، اس کی ملکیت میں زمین اور آسمانوں کی تمام چیزیں ہیں۔کون ہے جو اس کی اجازت کے بغیر اس کے سامنے شفاعت کر سکے، اللہ سب کچھ جانتا ہے جو ان کے سامنے ہے اور وہ بھی جو ان کے پیچھے ہے۔ اور وہ اس کے علم میں سے کسی چیز کا احاطہ نہیں کر سکتے مگر وہ جتنا چاہے، اس کی کرسی کی وسعت نے زمین اور آسمان کو گھیر رکھا ہے اور اللہ تعالیٰ ان کی حفاظت سے نہ تھکتا ہے اور نہ اکتاتا ہے۔"(2:255)

“بیشک میں ہی اللہ ہوں، میرے سوا عبادت کے لائق اور کوئی نہیں تو میری ہی عبادت کر اور میری یاد کے لئے نماز قائم کر۔ ” ۔ (20:14)

اﷲ جو چاہے کر گزرتا ہے“:{85:14-16}وہ بڑا بخشش کرنے والا اور بہت محبت کرنے والا ہے() عرش کا مالک عظمت والا ہے() جو چاہے اسے کر گزرنے والا ہے“-

کوئی نہیں جو اللہ سے باز پرس کرسکے: “{21:22,23}اللہ تعالیٰ عرش کا رب ہے ہر اس وصف سے پاک ہے جو یہ مشرک بیان کرتے ہیں(22) کوئی نہیں جو اس سے باز پرس کرسکے اور اس کے سوا کوئی نہیں جس سے باز پرس نہ کی جاتی ہو-”(23)

اللہ کے کلمات بیان نہیں کئے جاسکتے : {31: 27}“روئے زمین کے تمام درختوں کے اگر قلم بنائے جائیں اور تمام سمندروں کی سیاہی ہو اور ان کے بعد سات سمندر اوربھی ہوں تب بھی اللہ کے کلمات ختم نہیں ہو سکتے بیشک و شبہ اللہ تعالیٰ غالب اور باحکمت ہے-”

"يقينا آسمان وزمین کے کل جاندار اور تمام فرشتے اللہ تعالیٰ کے سامنے سجدے کرتے ہیں اور ذرا بھی تو تکبر نہیں کرتے-" (16:49)

"اللہ ہی کے لئے زمین اور آسمانوں کی سب مخلوق خوشی اور ناخوشی سجدہ کرتی رہتی ہے اور ان کے سائے بھی صبح شام" (13:15)

اﷲ کے مقرب بندے عبادت سے تکبر نہیں کرتے۔{7:206} “جو لوگ تیرے رب کے نزدیک ہیں، وہ اس کی عبادت سے جی بھاری نہیں کرتے، اس کی پاکیزگی بیان کرتے رہتے ہیں اور صرف اسی کے سامنے سجدے کرتے رہتے ہیں-”

"کہ اسی اللہ کے لئے سجدے کریں جو آسمانوں اور زمینوں کی پوشیدہ چیزوں کو باہر نکالتا ہے اور جو کچھ تم چھپاتے ہو اور ظاہر کرتے ہو وہ سب کچھ جانتا ہے۔(25) اس کے سوا کوئی معبود برحق نہیں۔ وہی عظمت والے عرش کا مالک ہے۔"{27:25,26}

“کیا آپ نے نہیں دیکھا کہ آسمانوں اور زمین کی کل مخلوق اور پر پھیلائے اڑنے والے کل پرند اللہ کی تسبیح میں مشغول ہیں۔ ہر ایک کی نماز اور تسبیح اسے معلوم ہے، لوگ جو کچھ کریں، اس سے اللہ بخوبی واقف ہے ۔” (24:41)

ساتوں آسمان اور زمین اور جو بھی ان میں ہے اسی کی تسبیح کر رہے ہیں۔ 17:44}} “ایسی کوئی چیز نہیں جو اسے پاکیزگی اور تعریف کے ساتھ یاد نہ کرتی ہو۔ ہاں یہ صحیح ہے کہ تم اس کی تسبیح سمجھ نہیں سکتے۔ وہ بڑا برد بار اور بخشنے والا ہے۔”

“آسمانوں اور زمین میں جو ہے اسی اللہ کا ہے ،جو اس کے پاس ہیں ، وہ اس کی عبادت سے نہ سرکشی کرتے ہیں اور نہ تھکتے ہیں۔(19)دن رات تسبیح بیان کرتے رہتے ہیں اور ذرا سی بھی سستی نہیں کرتے”۔(21:19,20)

"آسمانوں اور زمینوں میں جو ہے سب اللہ کی تسبیح کر رہا ہے وہ زبر دست با حکمت ہے ۔ (1) آسمانوں اور زمین کی بادشاہت اسی کی ہے وہی زندگی دیتا ہے اور موت بھی اور وہ ہر ہر چیز پر قادر ہے۔(2) وہی پہلے ہے اور وہی پیچھے وہی ظاہر ہے اور وہی مخفی اور وہ ہر چیز کو بخوبی جانے والا ہے۔ (3)وہی ہے جس نے آسمانوں اور زمین کو چھ دن میں پیدا کیا پھر عرش پر بیٹھا وہ خوب جانتا ہے اس چیز کو جو زمین میں جائے اور جو اس سے نکلے اور جو آسمان سے نیچے آئے اور جو کچھ چڑھ کر اس میں جائے جہاں کہیں تم ہو وہ تمہارے ساتھ ہے اور جو کچھ تم کر رہے ہو اللہ دیکھ رہا ہے (4) آسمانوں کی اور زمین کی بادشاہی اسی کی ہے اور تمام کام اسی کی طرف پہنچائے جاتے ہیں۔ (5)وہی رات کو دن میں لے جاتا ہے اور وہی دن کو رات میں داخل کر دیتا ہے۔ سینے کے اندر کی پوشیدگیوں کا وہ پورا عالم ہے۔" (57:1-6)

اللہ کل کائنات کا مالک ہے: {67: 1} “بہت بابرکت ہے وہ اللہ جس کے ہاتھ میں بادشاہی ہے اور جو ہرچیز پر قدرت ركهنے والا ہے۔”

لوگوں نے اللہ تعالیٰ کے مرتبہ کے مطابق اس کی قدر جانی ہی نہیں: {22:74} “انہوں نے اللہ کے مرتبہ کے مطابق اس کی قدر جانی ہی نہیں ، اللہ تعالیٰ بڑا ہی زور و قوت والا اور غالب و زبردست ہے”۔

"جیسی عظمت اللہ تعالیٰ کی کرنی چاہیے تھی نہیں کرتے: “اور ان لوگوں نے جیسی عظمت اللہ تعالیٰ کی کرنی چاہیے تھی نہیں کی،ساری زمین قیامت کے دن اس کی مٹھی میں ہوگی اور تمام آسمان اس کے داہنے ہاتھ میں لپیٹے ہوئے ہوں گے وہ پاک اور برتر ہے ہر اس چیز سے جسے لوگ اس کا شریک بنائیں۔”(39:67)

آدمیوں کے مشورےمیں ہروقت اللہ ہوتا ہے: {58:7} “کیا تو نے نہیں دیکھا کہ اللہ آسمانوں اور زمین کی ہرچیز کا علم رکھتا ہے۔ تین آدمیوں کا مشورہ نہیں ہوتا مگر اللہ ان کا چوتھا ہوتا ہے اور نہ پانچ کی مگر ان کا چھٹا وہ ہوتا ہے اور اس سے کم اور نہ زیادہ کا مگر وہ ساتھ ہی ہوتا ہے جہاں بھی وہ ہوں پھر قیامت کے دن انہیں ان کے اعمال سے آگاہ کرے گا بیشک اللہ تعالیٰ ہرچیز سے واقف ہے۔”

“بیشک ہرچیز اس کی نگاہ میں ہے۔”{67:19}

بہت سے جانور جو اپنی روزی اٹھائے نہیں پھرتے ان سبکو اور تم کو بھی اﷲ ہی روزی دیتا ہے: (29:60) “اور بہت سے جانور ہیں جو اپنی روزی اٹھائے نہیں پھرتے ان سب کو اور تمہیں بھی اللہ تعالیٰ ہی روزی دیتا ہے وہ بڑا ہی سننے والا ہے جاننے والا ہے۔”

روزی کی کشادگی اور تنگی صرف اﷲ کے ہاتھ میں ہے {17:30}: "یقیناً تیرا رب جس کے لئے چاہے روزی کشادہ کر دیتا ہے اور تنگ بھی یقیناً وہ اپنے بندوں سے باخبر اور خوب دیکھنے والا ہے۔”

اﷲ جسے چاہتا ہے کشادہ رزق دیتا ہے{42:19} “اللہ تعالیٰ اپنے بندوں پر بڑا ہی لطف کرنے والا ہے، جسے چاہتا ہے کشادہ روزی دیتا ہے، وہ بڑی طاقت والا اور بڑے غلبے والا ہے۔”

" اگر اﷲ اپنے (سب) بندوں کی روزی فراخ کردے تو فساد برپا کردیتے : “اگر اللہ تعالیٰ سب بندوں کی روزی فراخ کر دیتا تو وہ زمین میں فساد برپا کر دیتے لیکن وہ اندازے کے ساتھ جو کچھ چاہتا نازل فرماتا ہے، وہ اپنے بندوں سے پورا خبردار ہے خوب دیکھنے والا ہے۔” (42:27)

اﷲ جسے چاہے فراخ روزی دیتا ہے اور جسے چاہے تنگ :“اللہ تعالیٰ اپنے بندوں میں سے جسے چاہے فراخ روزی دیتا ہے اور جسے چاہے تنگ ،یقیناً اللہ تعالیٰ ہرچیز کا جاننے والا ہے ۔”

اللہ تعالی زمین کو دو دن میں پیدا کیا۔:"تو کہہ دے کہ کیا تم اس اللہ کا انکار کرتے ہو اور تم اس کے شریک مقرر کرتے ہو جس نے دو دن میں زمین پیدا کردی، سارے جہانوں کا پروردگار وہی ہے۔(9) اس نے زمین کے اوپر اور زمین میں سے ہی پہاڑ پیدا کر دیئے اور اس میں برکت رکھ دی اور اس میں رہنے والوں کو غذاؤں کی تجویز بھی اسی میں کردی،صرف چار دن میں ہی سوال کرنے والوں کا جواب پورا ہوا۔ " (41:9,10)

“اللہ کا حکم زمین اور آسمان کو :پھر آسمان کا طرف متوجہ ہوا اور وہ دھواں سا تھا، پس اسے اور زمین سے فرمایا کہ تم دونوں خوشی سے آؤ یا زبردستی دونوں نے عرض کیا کہ ہم بخوشی حاضر ہیں -(41:11)

سات آسمان دو دن میں پیداا فرمایا-:"پھر دو دن میں سات آسمان بنا دیئے اور ہر آسمان میں اس کے مناسب احکام کی وحی بھیج دی اور ہم نے آسمان دنیا کو ستاروں کے ساتھ زینت دی اور نگہبانی کی،یہ تدبیر اللہ غا لب و دانا کی ہے۔" (41:12)

"اس معبود برحق کے لئے تمام تر تعریفیں سزاوار ہیں جو ابتدا آسمان وزمین کا پیدا کرنے والا اور دو دو تین تین چار چار پروں والے فرشتوں کو اپنا پیغام پہنچانے والا بنانے والا ہے۔ مخلوق میں جو چاہے زیادتی کرتا ہے۔ اللہ تعالی یقینا ہر چیز پر قادر ہے ۔"(35:1)

“دروازے کے اندونی حصے میں جنت اور باہر جہنم:اس دن منافق مرد عورت ایمانداروں اور ان کے درمیان ایک دیوار حائل کر دی جائے گی جس میں دروازہ بھی ہو گا اس کے اندرونی حصہ میں تو رحمت ہوگی اور باہر کی طرف عذاب ہوگا”۔ (57:13) {57:12,13} ترجمہ“ : قیامت کے دن تو دیکھے گا کہ ایمان دار مردوں عورتوں کا توران کے آگے آکے اور ان کے دا میں دوڑ رہا ہوگا آج تمہیں ان جنتوں کی خو شخبری ہے جن کے نیچے نہریں جاری ہیں جن میں ہمیشہ کی رہائش ہے، یہ ہے بہترین کامیابی۔ اس دن منافق مرد عورت ایمانداروں سے کہیں گے کہ ہمارا انتظار تو کرو کہ ہم بھی تمہارے نور سے کچھ روشنی حاصل کر لیں، جواب دیا جائے گا کہ تم اپنے پیچھے لوٹ جاؤ اور روشنی تلاش کرو پھر ان کے اور ان کے درمیان ایک دیوار حائل کر دی جائے گی جس میں دروازہ بھی ہوگا اس کے اندرونی حصہ میں تو رحمت ہوگی اور باہر کی طرف عذاب ہو گا۔” ]اعمال کے مطابق بدلہ دیا جائے گا:۔۔ ( آیت:12,13) یہاں بیان ہو رہا ہے کہ مسلمانوں کے نیک اعمال کے مطابق انہیں نور ملےگا جو قیامت کے دن ان کے ساتھ ساتھ رہے گا۔ حضرت عبداللہ بن مسعود رضی اللہ تعالیٰ عنہ فرماتے ہیں ان میں بعض کا نور پہاڑوں کے برابر ہوگا اور بعض کا کھجوروں کے درختوں کے برابر اور بعض کا کھڑے انسان کے قد کے برابر سب سے کم نور جس گنہگار مومن کا ہوگا اس کے پیر کے انگوٹھے پر نور ہو گا جو کبھی روشن ہوتا ہوگا اور کبھی بجھ جاتا ہو گا ( ابن جریر )[

اللہ تعالیٰ نے آسمانوں اور زمینوں کے اوران کےدرمیان کی سب چیزوں کو چھ دن میں ہی پیدا کر دیا: "وہی ہے جس نے آسمانوں اور زمینوں کے اور ان کے درمیان کی سب چیزوں کو چھ دن میں ہی پیدا کر دیا۔ پھر عرش پر جلوہ فرما ہوا وہ رحمن ہے، تو اس کے بارے میں کسی خبر دار سے پوچھ لے۔"{25:59}

"اس نے انسان کو ایسی آواز دینے والی مٹی سے پیدا کیا جو ٹھیکری کی طرح تھی اور جنات کو آگ کے شعلے سے پیدا کیا ۔"{55:14,15}

"زمین آسمان کی پیدائش انسان کا چوپائے اور بحر و بر کا استعمال:آسمان اور زمین کی پیدائش رات دن کا ہیر پھیر۔کشتیوں کا لوگوں کو نفع دینے والی چیزوں کو لئے ہوئے سمندروں میں چلنا آسمان سے پانی اتار کر مردہ زمین کو زندہ کر دینا اس میں ہر قسم کے جانوروں کو پھیلا دینا ہواؤں کے رخ بدلنا تابع فرمان بادلوں کو آسمان و زمین کے درمیان ادھرادھر پھیر نا -عقلمندوں کے لئے قدرت اللہ کی نشانیاں ہیں۔"{2:164}

اللہ نے آسمان اور زمین کو مزین کیا: {15:16-23}"یقینا ہم نے آسمان میں برج بنائے ہیں اور دیکھنے والوں کے لئے اسے زینت والا کیا ہے۔(16) اور اسے ہرمردود شیطان سے محفوظ رکھا ہے۔(17) ہاں جو سننے کو چرانا چاہے اس کے پیچھے کھلا شعلہ لگتا ہے۔(18) اور زمین کو ہم نے پھیلا دیا ہے اور اس پر پہاڑ لا رکھے ہیں۔ اور اس میں ہم نے ہر چیز باندازہ اگادی ہے۔ (19)اور اسی میں ہم نے تمہاری روزیاں بنادی ہیں اور جنہیں تم روزی دینے والے نہیں ۔(20) جتنی بھی چیزیں ہیں سب کے خزانے ہمارے پاس ہیں ہم ہر چیز کو اس کے مقررہ انداز سے اتارتے ہیں (21)ہم بوجھل کرنے والی ہوا میں چلا کر پھر آسمان سے پانی برسا کر تمہیں وہ پلاتے ہیں تم کچھ اس کے ذخیرہ کرنے والے نہیں ہو۔ (22) ہم ہی جلاتے اور مارتے ہیں اور ہم ہی بالآ خروارث ہیں”۔(23)

":وہی زندے کو مردے سے اور مردے کو زندے سے نکالتا ہے اور وہی زمین کو اس کی موت کے بعد زندہ کرتا ہے۔ اسی طرح تم بھی نکالےجاؤ گے۔"

"اللہ ہی جو ڑ وں میں محبت اور رحمت پیدا کرتا ہے :اللہ کی نشانیوں میں سے ایک تمہاری مٹی سے پیدائش ہے کہ پھر انسان بن کر چلتے پھرتے ہو (20) اور اس کی نشانیوں میں سے تمہارے لئے تمہاری ہی جنس کی بیویاں پیدا کرنا ہے تا کہ تم ان سے آرام پاؤ ۔ اس نے تمہارے درمیان محبت اور مہربانی قائم کر دی یقینا غور و فکر کرنے والوں کے لئے اس میں بہت نشانیاں ہیں”۔(30:20-21)

"مختلف رنگ اور زبان کے لوگ بھی قدرت کی نشانیوں سے ہیں :اس کی قدرت کی نشانیوں میں سے آسمانوں اور زمین کی پیدائش اور تمہاری زبانوں اور رنگتوں کا اختلاف بھی ہے ۔ دانش مندوں کے لئے اس میں یقینا بڑی بڑی عبرتیں ہیں۔"

اللہ رات آرام کے لئے اور دن روزی کی تلاش کے لئے بنایا ہے: “اور بھی اس کی قدرت کی نشانی تمہاری راتوں کی اور دن کی نیند میں ہے اور اس کے فضل یعنی روزی کو تمہارا تلاش کرنا بھی ہے جو لوگ کان لگا کر سننے کے عادی ہیں، ان کے لئے اس میں بہت سی نشانیاں ہیں۔"

بجلی کا چمکنا بھی سمجھنے والوں کے لئے اللہ کی قدرت کی نشانی ہے“: اس کی نشانیوں میں سے ایک یہ بھی ہے کہ وہ تمہیں ڈرانے اور امیدوار بنانے کے لئے تجلیاں دکھاتا ہے اور آسمان سے بارش برساتا ہے اور اس سے مردہ زمین کو زندہ کر دیتا ہے اس میں بھی عقلمندوں کے لئے بہت سی نشانیاں ہیں۔"

"مرنے کے بعد اللہ کے حکم سے تم دوبارہ اٹھائے جاؤگے” :اس کی ایک نشانی یہ بھی ہے کہ آسمان وزمین اسی کے حکم سے قائم ہیں، پھر جب وہ تمہیں آواز دے گا صرف ایک بار کی آواز کے ساتھ ہی تم سب زمین سے نکل آؤ گے۔"

کائنات کی ہر ایک چیز اللہ کے حکم کے تابع ہے، اللہ ہی غلبے والا حکمت والا ہے:"زمین و آسمان کی ہر ہر چیز اسی کی ملکیت ہے اور ہر ایک اس کے فرمان کے ماتحت ہے۔ وہی ہے جس نے شروع شروع میں مخلوق کو پیدا کیا۔(26) وہی پھر سے دوبارہ پیدا کرے گا اور یہ تو اس پر بہت ہی آسان ہے۔ اس کی بہترین اور اعلیٰ صفات ہے۔ آسمانوں میں اور زمین میں بھی اور وہی ذی عزت، غلبے والا با حکمت، حکمت والا ہے۔"{30:26,27}

"کیا تونے نہیں دیکھا کہ تیرے رب نے سائے کو کس طرح پھیلا دیا ہے اگر چاہتا تو اسے ٹھہرا ہوا ہی کر دیتا، پھر ہم نے آفتاب کو اس کا رہنما بنایا۔ پھر ہم نے اسے سہج سہج اپنی طرف کھینچ لیا”۔"(25:45,46)

"وہی ہے جس نے رات کو تمہارے لئے پردہ بنایا اور نیند کو راحت بنایا اور دن کو اٹھ کھڑے ہونے کا وقت ۔"(25:47)

(25:53)"وہی ہے جس نے دوسمندر آپس میں ملا رکھے ہیں۔ یہ ہے میٹھا اور مزے دار اور یہ ہے کھاری، کڑوا ،اور ان دونوں کے درمیان ایک حجاب اور مضبوط اوٹ کردی ہے"

“وہی ہے جس نے پانی سے انسان کو پیدا کیا، پھر اسے نسب والا اور سسرالی رشتوں والا کر دیا، تیرا پروردگار ہر چیز پر قادر ہے”۔(25:54)

"بابرکت ہے وہ جس نے آسمان میں برج بنائے اور اس میں آفتاب بنایا اور منور مہتاب بھی۔ اس نے رات اور دن کو ایک دوسرے کا خلیفہ بنایا۔ اس شخص کی نصیحت کے لئے جو نصیحت حاصل کرنے یا شکر گزاری کرنے کا ارادہ رکھتا ہو۔" (25:61,62)

"سات آسمانوں اور اس جیسی سات زمینوں میں اللہ ہی کا حکم اترتا ہے” (65:12):اللہ وہ ہے جس نے سات آسمان بنائے اور اس کے مثال زمینیں بھی۔ اس کا حکم ان کے درمیان اترتا ہے تا کہ تم جان لوکہ اللہ ہر چیز پر قادر ہے اور اللہ تعالیٰ نے ہر چیز کو باعتبار علم گھیر رکھا ہے۔"

"اللہ کل کائنات کا مالک ہے ہر ایک کا رزق ہے” (3:26,27) : تو کہہ اے میرے معبود اے تمام جہان کے مالک تو جسے چاہے بادشاہی دے اور جس سے چاہے سلطنت چھین لے اور جسے تو چاہے عزت دے اور جسے تو چاہے ذلت دے، تیرے ہی ہاتھ سب بھلائیاں ہیں، بیشک تو ہر چیز پر قادر ہے۔ تو ہی رات کو دن میں داخل کر دیتا ہے اور دن کو رات میں لے جاتا ہے ، تو ہی بے جان سے جاندار پیدا کرے اور تو ہی جاندار سے بے جان پیدا کرے تو ہی ہے کہ جسے چاہے بے شمار روزی دے۔"

"جو چاہے اسے کر گزرنے والا ہے ۔"(85:16)

"آسمانوں کی اور زمین کی سلطنت اللہ تعالیٰ ہی کے لیے ہے، وہ جو چاہتا ہے پیدا کرتا ہے، جس کو چاہتا ہے بیٹیاں دیتا ہے اور جسے چاہتا ہے بیٹے دیتا ہے۔یا انھیں جمع کردیتا ہے بیٹے بھی اور بیٹیاں بھی اور جسے چاہے بانجھ کردیتا ہے، وہ بڑے علم والا اور کامل قدرت والا ہے۔ "(42:49,50)

"جسے چاہے عذاب کرے جس پر چاہے رحم کرے، سب اسی کی طرف لوٹائے جاؤ گے ۔" (29:21)

"ہم نے اسی طرح اس قرآن کو واضح آیتوں میں اتارا ہے، جسے اللہ چاہے ہدایت نصیب فرماتا ہے۔" (22:16)

"کہہ دے کہ اگر تم اپنے سینوں کی باتیں چھپاؤ یا ظاہر کرو اللہ سب کو جانتا ہے۔ آسمانوں اور زمین میں جو کچھ ہے سب اسے معلوم ہے اللہ ہر چیز پر قادر ہے۔"(3:29)

"اللہ ہی روحوں کو ان کی موت کے وقت اور جن کی موت نہیں آئی، انہیں ان کی نیند کے وقت قبض کر لیتا ہے۔ پھر جن پر موت کا حکم لگ چکا ہے، انہیں تو روک لیتا ہے اور دوسری روحوں کو ایک مقررہ وقت تک کے لئے چھوڑ دیتا ہے، غور کرنے والوں کے لئے اس میں یقینا بہت کی نشانیاں ہیں-“ (39:42)

"وہی ہے جو تمہیں رات کو فوت کرتا ہے اور تم دن کو جو کچھ کرتے ہوا سے وہ جانتا ہے۔ پھر تمہیں دن کو اٹھا دیتا ہے تا کہ مقرر کیا ہوا وقت انجام کو پہنچایا جائے ۔ پھر تم سب کا اسی کی طرف پھر جاتا ہے۔ پھر وہ تمہیں جو کچھ کرتے تھے جتادے گا۔" (6:60)

"بغیر اللہ کی مرضی کے کوئی شخص ایمان لاہی نہیں سکتا، اللہ تعالی گندگی کو تو انہیں پر ڈالتا ہے جو عقل سمجھ نہیں رکھتے۔" (10:100)

"ہم ہی جلاتے اور مارتے ہیں اور ہم ہی بالآ خروارث ہیں۔" (15:23)

"یقین مانو کہ اللہ تعالیٰ آسمانوں اور زمینوں کے غیب کا جاننے والا ہے۔ یقینا وہ سینوں میں چھپی ہوئی باتوں سے بھی خبر دار ہے"۔(35:38)

معافی اور عذاب اللہ ہی کا حکم ہے:"میرے بندوں کو خبر کر دے کہ میں بہت ہی بخشنے والا اور بڑا ہی مہربان ہو(49) اور ساتھ ہی میرے عذاب بھی نہایت درد دکھ والے ہیں۔"

"وہی اللہ جس نے تمہارے لیے زمین کی تمام چیزوں کو پیدا کیا پھر آسمان کی طرف قصد کیا اور ان ساتوں کو ٹھیک ٹھاک کیا اور وہ ہر چیز کو جانتا ہے”۔ (2:29)

"اللہ ہی ہے جس نے تمہارے لیے زمین کو قرار گاہ اور آسمان کو چھت بنادیا اور تمہاری صورتیں بنائیں اور بہت اچھی بنائیں اور تمہیں عمدہ عمدہ چیزیں کھانے کو عطا فرمائیں ،یہی اللہ تمہارا پروردگار ہے، پس بہت برکتوں والا اللہ ہے سارے جہان کا پرورش کرنے والا۔ " (40:64)

"اللہ نے تمہیں تمہاری ماؤں کے پیٹ سے نکالا ہے کہ اس وقت تم کچھ بھی نہیں جانتے تھے۔ اسی نے تمہارے کان اور آنکھیں اور دل بنائے کہ تم شکر گزاری کرو۔"

"یقیناً ہم نے اولاد آدم کو بڑی عزت دی اور انھیں خشکی اور تری کی سواریاں دیں اور انھیں پاکیزہ چیزوں کی روزیاں دیں اور اپنی بہت سی مخلوق پر انھیں فضیلت عطا فرمائی۔"

"جس نے نہایت خوب بنائی جو چیز بھی بنائی اور انسان کی بناوٹ مٹی سے شروع کی،پھر اس کی نسل ایک بےوقعت پانی کے خلاصے سے پیدا کی۔ (7)جسے ٹھیک ٹھاک کر کے اس میں اپنی روح پھونکی اسی نے تمہارے کان آنکھیں اور دل بنائے تم بہت ہی تھوڑا احسان مانتے ہو ۔" (32:7-9)

"وہ اللہ ہے جس نے تمہارے آرام کے لئے رات بنادی ہے اور دن کو روشن دکھانے والا بنایا ہے جولوگ سنتے ہیں ان کے لئے تو اس میں بڑی بڑی نشانیاں ہیں۔" (10:67)

"جس نے تمام چیزوں کے جوڑے بنائے اور تمہارے لیے کشتیاں بنائیں اور تمہاری سواری کے لئے چوپائےجانور پیدا کیے۔ " (43:12)

"تمہارے لیے چوپایوں میں بھی بڑی بھاری عبرت ہے۔ ان کے پیٹوں میں سے ہم تمہیں دودھ پلاتے ہیں اور بھی بہت سے نفع تمہارے لیے ان میں ہیں ان میں سے بعض کو تم کھاتے بھی ہو۔(21) اور ان پر اور کشتیوں پر تم سوار کرائے جاتے ہو ۔" (23:21,22)

"اور اللہ تعالیٰ نے تمہارے لیے گھروں میں سکونت کی جگہ بنادی ہے اور اس نے تمہارے لیے چوپایوں کی کھالوں کے گھر بنا دیئے ہیں، جنہیں تم ہلکا پھلکا پاتے ہو اپنے کوچ کے دن اور اپنے ٹھہرنے کے دن بھی اور ان کی اون اور روؤں اور بالوں سے بھی بہت سے سامان اور ایک وقت مقررہ تک کے لیے فائدہ کی چیزیں بنائیں ۔(80)اللہ ہی نے تمہارے لیے اپنی پیدا کردہ چیزوں میں سے سائے بنائے ہیں اور اسی نے تمہارے لیے پہاڑوں میں غار بنائے ہیں اور اسی نے تمہارے لیے کرتے بنائے ہیں جو تمہیں گرمی سے بچائیں اور ایسے کرتے بھی جو تمہیں لڑائی کے وقت کام آئیں وہ اس طرح اپنی پوری پوری نعمتیں دے رہا ہے کہ تم حکم بردار بن جاؤ۔”(16:80,81)

“اللہ تعالی ہی دانے اور گٹھلی کو پھاڑ کر درخت نکالنے والا ہے، وہی زندے کو مردے سے نکالتا ہے اور وہی مردے کا زندے سے نکالنے والا ہے، یہی تو تمہارا اللہ ہے،پھر تم کدھر بہکے چلے جارہے ہو-”

“صبح کی روشنی کا پھاڑ نکالنے والا وہی ہے، اسی نے آرام کے لئے رات بنائی اور سورج چاند کو حساب کا معیار بنایا، یہ ہیں اندازے باندھے ہوئے اللہ غالب عالم کے ”– (6:96)

یہ وہی ہے جس نے تمہارے لئے ستاروں کو پیدا کیا کہ تم خشکی اور تری کے اندھیروں میں ان سے راہ پاتے رہو، جو لوگ ذی علم ہیں، ان کے لئے تو ہم نے کھول کھول کر اپنی نشانیاں بیان کر دیں۔” (6:97)

"اسی نے آسمان سے ایک اندازے کے مطابق پانی نازل فرمایا، اس سے مردہ شہر کو زندہ کردیا۔ اسی طرح تم نکالے جاؤ گے ۔” (43:11)

"یہی اللہ ہے تم سب کا پالنے پوسنے والا ہر چیز کا خالق۔ اس کے سوا کوئی معبود نہیں پھر کہاں تم پھرے جاتے ہو ؟ " (40:62)

"اللہ وہ ہے جس نے آسمانوں اور زمین کو پیدا کیاہے اور آسمان سے بارش برسا کر اس کے ذریعے تمہاری روزی کے لئے پھل نکالے ہیں اور کشتیاں تمہارے بس میں کردی ہیں کہ دریاؤں میں اس کے حکم سے چلیں پھریں۔ اسی نے ندیاں اور نہریں تمہارے اختیار میں کردی ہیں ۔(32) اسی نے تمہارے لیے سورج چاند کو مسخر کردیا ہے کہ برابر ہی چل رہے ہیں اور رات دن کو بھی تمہارے کام میں لگا رکھا ہے ۔ (33) اسی نے تمہیں تمہاری منہ مانگی کل چیزوں میں سے دے رکھا ہے اگر تم اللہ کے احسان گننا چاہو تو انھیں پورے گن بھی نہیں سکتے یقیناً انسان بڑا ہی بےانصاف اور ناشکرا ہے”۔

"اور یقیناً ہم نے آپ کی طرف روشن دلیلیں بھیجی ہیں جن کا انکار سوائے بدکاروں کے کوئی نہیں کرتا۔" (2:99) جنت اور جہنم کا بیان

“اور اللہ ہی کا ہے جو کچھ آسمانوں میں ہے اور جو کچھ زمین میں ہے اللہ تعالٰی بدکاروں کو ان کے اعمال کا بدلہ دے گا اور نیک کاروں کو اچھا بدلہ عنایت فرمائےگا۔”

“جو کچھ انہوں نے اعمال کئے ہیں سب نامہ اعمال میں لکھے ہوئے”۔ (54:52)

﴿ ﴾ ﴿ ﴾﴿ ﴾ “پس جبکہ آسمان پھٹ کر سرخ ہو جائے جیسے کہ سرخ نری کا چمڑہ (37)-اس دن کسی انسان اور کسی جن سے اس کے گناہوں کی پرسش نہ کی جائے گی۔(39)گنہگار صرف حلیہ سے ہی پہچان لئے جائیں گے اور ان کی پیشانیوں کے بال اور قدم پکڑ لئے جائیں گے (41)یہ ہے وہ جہنم جسے مجرم جھو ٹا جانتے تھے”۔(43) {55:37,39,41,43,44}

“آج جھٹلانے والوں کو پوری خرابی ہے۔(11)جو اپنی بے ہودہ گوئی میں اچھل کود کر رہے ہیں۔(12) جس دن وہ دھکے دے دے کر آتش جہنم کی طرف لائے جائیں گے ۔(13)یہی وہ آتش دوزخ ہے جسے تم جھوٹ بتلاتے تھے۔(14) اب بتلاؤ کیا یہ جادو ہے؟ ۔ یا تم دیکھتے ہی نہیں ہو؟(15) جاؤ دوزخ میں، اب تمہارا صبر کرنا اور نہ کرنا تمہارے لئے یکساں ہے تمہیں فقط تمہارے کئے اعمال کا بدلہ دیا جائے گا”۔ (52:12-16)

"گرم ہوا اور گرم پانی میں۔(42) اور سیاہ دھوئیں کے سائے میں۔(43) جو نہ ٹھنڈا ہے نہ عزت والا۔(44) بے شک یہ لوگ اس سے پہلے بہت نازوں میں پلے ہوئے تھے ۔(45) اور بڑے بڑے گناہوں پر مداومت کرتے تھے۔(46) اور کہتے تھے کہ کیا جب ہم مرجائیں گے اور مٹی اور ہڈی ہو جائیں گے تو کیا ہم پھر دوبارہ کھڑے کئے جائیں گے (47) اور کیا ہمارے اگلے باپ دادا بھی ؟۔(48) تو کہہ دے کہ یقینا سب اگلے اور پچھلے ؟ (49) البتہ جمع کئے جائے گے ایک مقرر دن کے وقت (50) پھر تم اے گمر ا ہو، جھٹلانے والو51)!) البتہ کھانے والے ہو درخت تھور کا۔(52) اور اس سے پیٹ بھرنے والے ہوں۔ (53)پھر اس پر گرم کھولتا پانی پینے والے ہو۔(54) پھر پینے والے بھی پیاسے اونٹوں کی طرح (55)قیامت کے دن ان کی مہمانی یہ" (56:42-56)

"پرہیز گار لوگ جنتوں اور نعمتوں میں ہیں۔ جو انہیں ان کے رب نے دے رکھی ہیں اس پر خوش خوش ہیں اور ان کے پروردگار نے انہیں جہنم کی عذاب سے بھی بچالیا ہے۔(18) تم سہتا پچتا کھاتے پیتے رہا کرو ان اعمال کے بدلے جو تم کرتے تھے ۔ (19)برابربچھےہوئے شاندار تخت پر تکئے لگائے ہوئے اور ہم نے ان کے نکاح گوری گوری بڑی بڑی آنکھوں والی حوروں سے کر دیئے ہیں"۔ (52:18-20)

﴿ ﴾ ﴿ ﴾ ﴿ ﴾ ﴿ ﴾﴿ ﴾﴿ ﴾ ﴿ ﴾ ﴿ ﴾ ﴿ ﴾ ﴿ ﴾ ﴿

﴿ ﴾ ﴿ ﴾﴿ ﴾

"اس شخص کے لئے جو اپنے رب کے سامنے کھڑا ہونے سے ڈرا دو دو جنتیں ہیں۔ (46)دونوں جنتیں بہت سی ٹہنیوں اور شاخوں والی ہیں(48) ان دونوں جنتوں میں دو بہتے ہوئے چشمے ہیں ۔(50)ان دونوں جنتوں میں ہر قسم کے میوے بھی جوڑ جوڑ ہوں گے۔(52)یہ جنتی ایسے فرشوں پر تکیہ لگائے ہوئے ہوں گے ۔جن کے استرد بی ریشم کے ہوں گے اور ان دونوں جنتوں کے میو ے بالکل قریب ہوں گے۔(54) وہاں شرمیلی نیچی نگاہ والی حوریں ہیں جنہیں ان کے پہلے کسی جن و انس نے ہاتھ نہیں لگایا (56) وہ حوریں مثل یا قوت اور مونگے کے ہوں گی۔(58) نیک کاری کا بدلہ ہی بہت بڑا انعام و احسان ہے۔(60)اور ان دو کے سوا دو جنتیں اور ہیں ۔(62)جو دونوں گہری سیاہی مائل ہیں(64)ان میں دو بہ جوش ابلنے والے چشمے ہیں ۔(66)ان دونوں میں میوے اور کھجور اور انار ہوں گے۔(68)ان میں نیک سیرت خوبصورت عورتیں ہیں۔(70) گوری رنگت کی حوریں جنتی خیموں میں محفوظ ہیں۔(72)ان حوروں سے کوئی انسان یا جن اس سے قبل نہیں ملا۔(74)سبز مسندوں اور عمدہ فرشوں پر تکیہ لگائے ہوئے ہوں گے (55:46,48,50,52,54,55:56,58,60,62,64,66,68,70,72,74,76)”

"یہ لوگ سونے کی تاروں سے بنے ہوئے تختوں پر () ایک دوسرے کےسامنے تکیہ لگائے بیٹھے ہوں گے ۔(16) ان کے پاس ایسے لڑکے جو ہمیشہ لڑ کے ہی رہیں گے۔() آمد ورفت کریں گئے، آبخورے اور آفتابے لے کر (18) اور ایسا جام لے جو بہتی ہوئی شراب سے پر ہو۔جس سے نہ سر میں درد ہو نہ عقل میں فتور آئے ۔ (19)اور ایسے میوے لئے ہوئے جو ان کی پسند کے ہوں ۔(20) اور پرندوں کے گوشت جو انہیں مرغوب ہوں۔(21)گوری گوری بڑی بڑی آنکھوں والی حوریں۔(22) جو اچھوتے موتیوں کی طرح ہیں۔() یہ صلہ ہے ان کے اعمال کا۔() نہ وہ وہاں بکواس سنیں گے اور نہ گناہ کی بات۔() صرف سلام ہی سلام کی آواز ہوگی۔" (56:15-26)

“وہ کانٹوں بغیر کی۔(28) بیریوں اور تہ بہ تہ کیلوں۔(29) اور لمبے لمبے سایوں ۔(30) اور بہتے ہوئے پانیوں(31) اور بکثرت پھلوں۔(32) جو نہ ختم ہوں اور نہ روک لئے جائیں۔(33) اور اونچے اونچے فرشوں میں ہوں گے ۔ (34) ہم نے ان کی بیویوں کو خاص طور پر بنایا ہے۔(35) اور ہم نے انہیں کنواریاں کر دی ہیں۔ (36) وہ محبوبہ اور ہم عمر ہیں”۔ (37)

“ہم نے آسمان و زمین اور ان کے درمیان کی چیزوں کو کچھ ہنسی کھیل کرنے کے لئے نہیں بنایا اگر ہم یوں ہی کھیل تماشے کا ہی ارادہ کرتے تو ہم اسے اپنے پاس سے ہی بنا لیتے، لیکن کرنے والے ہی نہیں۔بلکہ ہم سچ کو جھوٹ پر پھینک مارتے ہیں، سچ جھوٹ کا سر توڑ دیتا ہے اور وہ اسی وقت نابود ہوجاتا ہے تم جو باتیں بناتے ہو وہ تمہارے لیے باعث خرابی ہیں-” (21:16-18)

اللہ تعالی آسمان اور زمین کو حق کے ساتھ پیدا کیا:{39:5}”نہایت اچھی تدبیر سے اس نے آسمان اور زمین کو بنایا، وہ رات کو دن پر اور دن کو رات پر لپیٹ دیتا ہے اور اس نے سورج چاند کو کام پر لگا رکھا ہے، ہر ایک مقررہ مدت پر چل رہا ہے،یقین مانو کہ وہی زبردست اور گناہوں کا بخشنے والا ہے”۔

ہر مخلوق کو موت کا مزہ چکھنا ہے۔{21:33-35} “وہی اللہ ہے جس نے رات اور دن، سورج اور چاند کو پیدا کیا ہے، ان میں سے ہر ایک اپنے اپنے آسمان میں تیرتے پھرتے ہیں ۔(33)تجھ سے پہلے کے کسی انسان کو بھی ہم نے دوام اور ہمیشگی نہیں دی، کیا اگر تو مرگیا تو وہ ہمیشہ کے لیے رہ جائیں گے ۔(34)ہر جاندار موت کا مزہ چکھنے والا ہے۔ ہم بطریق امتحان تم میں سے ہر ایک کو برائی بھلائی میں مبتلا کرتے ہیں تم سب ہماری طرف لوٹائے جاؤ گے “۔

اﷲ واحد ہے- قیامت کا آنا یقینی ہے:{4:87} “اللہ وہ ہے جس کے سوا کوئی معبود نہیں وہ تم سب کو یقیناً قیامت کے دن جمع کرے گا جس کے آنےمیں کوئی شک نہیں اللہ تعالیٰ سے زیادہ سچی بات والا اور کون ہوگا؟"

“تو کہہ دے ! اللہ ہی تمہیں زندہ کرتا ہے پھر تمہیں مار ڈالتا ہے پھر تمہیں قیامت کے دن جمع کرے گا جس میں کوئی شک نہیں لیکن اکثر لوگ نہیں سمجھتے”-

قیامت کا علم صرف اللہ کو ہے اس کے حکم "کن " سے قیامت قائم ہو جائےگی:”آسمان وزمین کا علم صرف اللہ ہی کو ہے قیامت کا امر تو ایساہی ہے جیسے آنکھ کا جھپکنا بلکہ اس سے بھی زیادہ قریب بے شک اللہ ہر چیز پر قادر ہے”۔

قیامت کے دن انسانوں میں کوئی رشتہ نہ ہوگا : {31:33} “لوگو اپنے رب کا لحاظ رکھو اور اس دن کا خوف کرو جس دن باپ اپنے بیٹے کو کوئی نفع نہ پہنچا سکے گا اور نہ بیٹا اپنے باپ کا ذرا سا بھی نفع کرنے والا ہوگا ،یاد رکھو اللہ کا وعدہ سچا ہے ،دیکھو تمہیں دنیا کی زندگی دھوکے میں نہ ڈالے اور نہ دھوکے باز شیطان تمہیں دھوکے میں ڈال دے۔”

یقینا اللہ تعالی قبر والوں کو دوبارہ زندہ فرمائے گا:”یہ اس لئے ہے کہ اللہ ہی حق ہے اور وہ مردوں کو جلاتا ہے اور وہ ہر ہر چیز پر قدرت رکھنے والا ہے(6) اور یہ کہ قیامت قطعا آنے والی ہے جس میں کوئی شک وشبہ نہیں اوریقینا اللہ تعالی قبروں والوں کو دوبارہ زندہ فرمائے گا۔(7)بعض لوگ اللہ کے بارے میں بغیر علم کے اور بغیر ہدایت کے اور بغیر روشن کتاب کے جھگڑ تےہیں(8) اپنا باز و موڑنے والا بن کر اس لئے کہ راہ اللہ سے بہکا دے اسے دنیا میں بھی رسوائی ہوگی اور قیامت کے دن بھی ہم اسے جہنم میں جلنے کا عذاب چکھائیں گے۔(9) ان اعمال کی وجہ سے جو تیرے ہاتھوں نے آگے بھیج رکھے تھے۔ یقین مانو کہ اللہ تعالیٰ اپنے بندوں پر ظلم کرنے والا نہیں”۔(10)

“پس جب کہ کان بہرے کر دینے والی قیامت آ جائے گی(33)اس دن آدمی بھاگے گا اپنے بھائی سےاور اپنی ماں اور اپنے باپ سے اور اپنی بیوی اور اپنی اولاد سے بھاگے گا۔ان میں سے ہر ایک کو اس دن ایسی فکر ایک ایسا مشغلہ ہوگا جو اسے کافی ہوگا۔”(80:33-37)

“اس دن صرف اللہ ہی کی بادشاہت ہوگی۔ وہی ان میں فیصلے فرمائے گا ایمان اور نیک عمل والے تو نعمتوں سے بھر پور جنتوں میں ہوں گے۔(56)اور جن لوگوں نے کفر کیا تھا اور ہماری آیتوں کو نہ مانا تھا، ان کے لئے ذلیل کرنے والے عذاب ہی ہوں گے”۔{22:56,57}

“یہ سب اس لئے کہ اللہ ہی حق ہے اور اس کے سوا جسے بھی یہ پکارتے ہیں وہ باطل ہی ہے اور بے شک اللہ ہی بلندی والا اور کبریائی والا ہے-” {22:62}

{45:22}“اور آسمانوں اور زمین کو اللہ نے بہت ہی عدل کے ساتھ پیدا کیا ہے اور تاکہ ہر شخص کو اس کے کئے ہوئے کام کا پورا بدلہ دیا جائے اور ان پر ظلم نہ کیا جائے”-

“یہ ہے ہماری کتاب جو تمہارے بارے میں سچ سچ بول رہی ہے، ہم تمہارے اعمال لکھواتے جاتے تھے” ۔ {45:29}

قیامت کا ابتدائی زلزلہ: “لوگو! اپنے پروردگار سے ڈرتے رہا کرو! قیامت کا زلزلہ بڑی چیز ہے۔(1)جس دن تم اسے دیکھ لو گے ،ہر دودھ پلانے والی اپنے دودھ پیتے بچے کو بھول جائے گی اور تمام حمل والیوں کے حمل گر جائیں گے۔ اور تو دیکھے گا کہ لوگ متوالے دکھائی دیں گے، حالانکہ درحقیقت وہ متوالے نہ ہونگے لیکن اللہ کا عذاب بڑا سخت ہے ۔”(2)

جب صور پھونکا جائے گا : “جس دن صور پھونکا جائے گا تو سب کے سب آسمانوں والے اور زمین والے گھبرا اٹھیں گے مگر جسے اللہ تعالیٰ چاہے اور سارے کے سارے عاجز و پست ہو کر اس کے سامنے حاضر ہونگے۔”

“جس دن صور پھونکا جائے گا پھرتم سب جماعت جماعت بن کر آؤگے۔” ]یہ دوسرا صور ہوگا جس میں سب لوگ قبروں سے زندہ اُٹھ کر نکل آئیں گے۔ اللہ تعالیٰ آسمان سے پانی نازل فرمائے گا۔ جس سے انسان کھیتی کی طرح اُگ آئے گا۔ انسان کی ہر چیز بوسیدہ ہوجائے گی۔ سوائے ریڑھ کی ہڈی کے آخری سرے کے۔ اسی سے قیامت والے دن تمام مخلوق کی دوبارہ ترکیب ہوگی[۔ (صحیح بخاری(

“اور آپ دیکھیں گے کہ ہر امت گھٹنوں کے بل گری ہوئی ہوگی ہر گروہ اپنے نامہ اعمال کی طرف بلایا جائے گا آج تمہیں اپنے کئے کا بدلہ دیا جائے گا۔(28) یہ ہماری کتاب جو تمہارے بارے میں سچ سچ بول رہی ہے ہم تمہارے اعمال لکھواتے جاتے تھے “۔ {45:28,29}

“پس جو لوگ ایمان لائے اور انھوں نے نیک کام کئے انہیں ان کا رب اپنی رحمت تلے لے لے گا، یہی صریح کامیابی ہے۔(30)لیکن جن لوگوں نے کفر کیا (ان سے میں کہوں گا) کیا میری آیتیں تمہیں سنائی نہیں جاتی تھیں ؟پھر بھی تکبر کرتے رہے اور تم تھے ہی گناہ گار لوگ۔ (31) اور جب کبھی کہا جاتا ہے کہ اللہ کا وعدہ قطعا سچا ہے اور قیامت کے آنے میں کوئی شک نہیں تو تم جواب دیتے تھے کہ ہم نہیں جانتے قیامت کیا چیز ہے؟ ہمیں کچھ یوں ہی سا خیال ہوجاتا ہے لیکن ہمیں یقین نہیں ۔ (32) اب ان پر اپنے اعمال کی برائیاں کھل گئیں اور جسے وہ مذاق میں اڑا رہے تھے اس نے انھیں گھیر لیا۔(33) اور کہہ دیا گیا کہ آج ہم تمہیں بھلا دیں گے جیسے کہ تم نے اپنے اس دن سے ملنے کو بھلا دیا تھا تمہارا ٹھکانا جہنم ہے اور تمہارا مددگار کوئی نہیں۔(34) یہ اس لیے ہے کہ تم نے اللہ تعالیٰ کی آیتوں کی ہنسی اڑائی تھی اور دنیا کی زندگی نے تمہیں دھوکے میں ڈال رکھا تھا، پس آج کے دن نہ تو یہ دوزخ سے نکالے جائیں گے اور نہ ان سے اللہ کی خفگی کا تدارک طلب کیا جائے گا “۔ (45:30-35)

“جس دن دشمنان رب دوزخ کی طرف لائے جائیں گے اور ان سب کو جمع کردیا جائے گا۔ (19) یہاں تک کہ جب بالکل جہنم کے پاس آجائیں گے ان پر ان کے کان اور ان کی آنکھیں اور ان کی کھالیں ان کے اعمال کی گواہی دیں گی ۔(20)یہ اپنی کھالوں سے کہیں گے کہ تم نے ہمارے خلاف شہادت کیوں دی؟ وہ جواب دیں گی کہ ہمیں اس اللہ نے قوت گویائی عطا فرمائی جس نے ہر چیز کو بولنے کی طاقت بخشی ہے، اسی نے تمہیں اول مرتبہ پیدا کیا اور اسی کی طرف تم سب لوٹائے جاؤ گے”۔ (41:19-21)

اور ہم نے آسمان و زمین اور ان کے درمیان کی چیزوں کو باطل اور ناحق پیدا نہیں کیا ،یہ گمان تو کافروں کا ہے، سو کافروں کے لیے خرابی ہے آگ کی۔

“قیامت کے دن اللہ تعالی کا سوال اور جواب: جس دن سب لوگ ظاہر ہوجائیں گے ، ان میں سے کوئی چیز اللہ سے پوشیدہ نہ رہے گی۔ آج کس کی بادشاہی ہے ؟ فقط اللہ واحد وقہار کی۔(16)آج ہر نفس کو اس کی کرنی کا پھل دیا جائے گا ، آج کسی قسم کا ظلم نہیں، یقیناً اللہ تعالیٰ بہت جلد حساب کرچکنے والا ہے ۔(17) اور انھیں بہت ہی قریب آنے والی قیامت سے آگاہ کر دے جب کہ دل حلق تک پہنچ جائیں گے اور سب خاموش ہوں گے ظالموں کا نہ کوئی دلی دوست ہوگا نہ سفارشی جس کی بات مانی جائے ۔(18)وہ آنکھوں کی خیانت کو اور سینوں کی پوشیدہ باتوں کو خوب جانتا ہے۔(19)اور اللہ تعالیٰ ٹھیک ٹھیک فیصلہ کر دے گا اللہ کے سوا جنہیں یہ لوگ پکارتے رہتے ہیں وہ کسی چیز کا بھی فیصلہ نہیں کرسکتے ، بیشک اللہ تعالیٰ خوب سنتا خوب دیکھتا ہے”۔ (40:16-20)

“دو بار صور پھونکے جائیں گے۔:اور صور پھونک دیا جائے گا، پس آسمانوں اور زمین والے سب بےہوش ہو کر گرپڑیں گے مگر جسے اللہ چاہے پھر دوبارہ صور پھونکا جائے گا۔ پس وہ ایک دم کھڑے ہو کر دیکھنے لگ جائیں گے ۔()اور زمین اپنے پروردگار کے نور سے جگمگا اٹھے گی، نامہ اعمال حاضر کئے جائیں گے، نبیوں اور گواہوں کو لایا جائے گا اور لوگوں کے درمیان حق حق فیصلے کردیئے جائیں گے اور وہ ظلم نہ کیے جائیں گے ۔()اور جس شخص نے جو کچھ کیا ہے، بھرپور دے دیا جائے گا، جو کچھ لوگ کر رہے ہیں وہ بخوبی جاننے والا ہے “۔(39:68-70) مشرکین (شرک کرنے والے) منکرین (کافر انکار کرنے والے) اور منافقین کا ٹھکانا جہنم۔

“کافروں کے غول کے غول جہنم کی طرف ہنکائے جائیں گے ۔ جب وہ اس کے پاس پہنچ جائیں گے اس کے دروازے ان کے لیے کھول دیئے جائیں گے اور وہاں کے نگہبان ان سے سوال کریں گے کہ کیا تمہارے پاس تم میں سے رسول نہیں آئے تھے ؟ جو تم پر تمہارے رب کی آیتیں پڑھتے تھے اور تمہیں اس دن کی ملاقات سے آگاہ کرتے تھے ؟یہ جواب دیں گے ہاں درست ہے لیکن عذاب کا حکم کافروں پر ثابت ہوگیا۔() کہا جائے گا کہ اب جہنم کے دروازوں میں داخل ہوجاؤ جہاں ہمیشگی ہے، پس سرکشوں کا ٹھکانا بہت ہی برا ہے”۔

“مومنین کا ٹھکانا جنت ہے: اور جو لوگ اپنے رب سے ڈرتے رہتے تھے ان کے گروہ کے گروہ جنت کی طرف روانہ کئے جائیں گے یہاں تک کہ جب اس کے پاس آجائیں گے اور دروازے کھول دیئے جائیں گے اور وہاں کے نگہبان ان سے کہیں گے تم پر سلام ہو، تم خوش حال رہو تم اس میں ہمیشہ کیلیے چلے جاؤ۔(73)یہ کہیں گے اللہ کا شکر ہے جس نے ہم سے اپنا وعدہ پورا کیا اور ہمیں اس زمین کا وارث بنادیا کہ جنت میں جہاں چاہیں مقام کریں، پس عمل کرنے والوں کا کیا ہی اچھا بدلہ ہے۔(74)اور تو فرشتوں کو اللہ کے عرش کے ارد گرد حلقہ باندھے ہوئے اپنے رب کی حمد و تسبیح کرتے ہوئے دیکھے گا اور سب میں آپس میں انصاف کا فیصلہ کیا جائے گا اور کہہ دیا جائے گا کہ ساری خوبی اللہ ہی کے لیے ہے جو تمام جہانوں کا پالنہار ہے”-

“اللہ سے کفر کرنے والوں کا انجام{29:52}: “جو لوگ باطل کے ماننے والے اور اللہ تعالیٰ سے کفر کرنے والے ہیں وہ زبردست نقصان اور گھاٹے میں ہیں” ۔

“بھلا بتلاؤ تو کہ آسمانوں کو اور زمین کو کس نے پیدا کیا ؟ کس نے آسمان سے بارش برسائی ؟ پھر اس سے ہرے بھرے بارونق باغات اگا دیئے؟ ان باغوں کے درختوں کو تم ہرگز نہ لگا سکتے کیا اللہ کے ساتھ اور کوئی معبود بھی ہے؟ بلکہ یہ لوگ اللہ کی برابری کا (جیسا) اوروں کو ٹھہراتے ہیں”۔{27:60}

“کیا وہ جس نے زمین کو قرارگاہ بنایا اور اس کے درمیان نہریں جاری کر دیں اور اس کے لئے پہاڑ بنائے اور دوسمندروں کے درمیان روک بنادی، کیا اللہ کے ساتھ اور کوئی معبود بھی ہے بلکہ ان میں سے اکثر کچھ جانتے ہی نہیں”۔{27:61}

“بے کس کی پکار کو جب کہ وہ پکارے کون قبول کر کے سختی کو دور کر دیتا ہے؟ اور تمہیں زمین کے نائب بنا تا ہے کیا اللہ کے ساتھ اور معبود ہے؟ تم بہت کم نصیحت حاصل کرتے ہو”-

“کیا وہ جو تمہیں خشکی اور تری کی تاریکیوں میں راہ دکھاتا ہے اور جو اپنی رحمت سے پہلے ہی خوشخبریاں دینے والی ہوائیں چلاتا ہے کیا اللہ کے ساتھ کوئی اور معبود بھی ہے؟ جنہیں یہ شریک کرتے ہیں۔ ان سب سے اللہ تعالٰی بلند و بالاتر ہے”۔{27:63}

“کیا وہ جو مخلوق کی اول دفعہ پیدائش کرتا ہے پھر اسے لوٹائے گا اور جو تمہیں آسمان اور زمین سے روزیاں دے رہا ہے، کیا اللہ کے ساتھ کوئی اور معبود بھی ہے؟ کہہ دے کہ اگر سچے ہو تو اپنی دلیل لاؤ”۔{27:64}

“کہہ دے کہ آسمانوں والوں میں سے زمین والوں میں سے کوئی بھی سوائے اللہ کے غیب کو نہیں جانتا اور انہیں تو یہ بھی معلوم نہیں کہ کب اٹھا کھڑے کئے جائیں گے؟ بلکہ آخرت بارے میں ان کے علم ختم ہو چکے ہیں بلکہ یہ اس سے شک میں ہیں بلکہ یہ اس سے اندھے ہیں”۔{27:65,66}

اللہ واحد ہے سب کو اسی کی طرف لوٹنا ہے:”تیرا رب جو چاہتا ہے پیدا کرتا ہے اور چن کر مختار کر لیتا ہے ان میں سے کسی کو کوئی اختیار ہیں اللہ ہی کے لئے پاکی ہے۔ وہ بلند تر ہے ہر اس چیز سے کہ لوک شریک کرتے ہیں۔(68) ان کے سینے جو کچھ چھپاتے ہیں اور جو کچھ ظاہر کرتے ہیں، تیرا رب سب کچھ جانتا ہے۔ (69) وہی اللہ ہے ۔ اس کے سوا کوئی لائق عبادت نہیں دنیا اور آخرت میں اسی کی تعریف ہے اس کے لئے فرماں روائی ہے اور اسی کی طرف تم سب پھیرے جاؤ گے” ۔(28:68-70)

آسمانوں اور زمین میں جو کچھ ہے سب اﷲ ہی کا ہے: {31:25,26} “اگر تو ان سے دریافت کرے کہ آسمان و زمین کا خالق کون ہے؟ تو ضرور جواب دیں گے کہ اللہ - تو کہہ دیجئے کہ سب تعریفوں کے لائق اللہ ہی ہے لیکن ان میں اکثر بےعلم ہیں-آسمانوں میں اور زمین میں جو کچھ ہے، سب اللہ ہی کا ہے،یقیناً اللہ تعالیٰ بہت بڑا بےنیاز اور سزاوار حمد و ثنا ہے -

“پوچھ تو سہی کہ زمین اور اس کی کل چیزیں کس کی ہیں؟ بتلاؤ اگر جانتے ہوں؟ فورا جواب دیں گے کہ اللہ کی، کہہ دے کہ پھر تم نصیحت کیوں حاصل نہیں کرتے” (23:84-85)

“دریافت کر کہ ساتوں آسمانوں کا اور بہت با عظمت عرش کا رب کون ہے؟ بلا تامل جواب دیں گے کہ اللہ ہی ہے کہدے کہ پھر تم کیوں نہیں ڈرتے؟”۔

“پوچھ کہ تمام چیزوں کا اختیار کس کے ہاتھ ہے جو پناہ دیتا ہے اور جس کے مقابلے میں کوئی پناہ نہیں دیا جاتا۔ اگر تم جانتے ہو تو بتلا دو۔ یہی جواب دیں گے کہ اللہ ہی ہے -کہہ دے کہ پھر تم کدھر سے جادو کر دیئے جاتے ہو ؟ حق یہ ہے کہ ہم نے انہیں حق پہنچا دیا ہے اور یہ بے شک جھوٹے ہیں”۔ (23:88-90)

“کہہ دیجئے ! کہ دیکھو تو سہی اگر اللہ تعالیٰ تم پر رات ہی رات قیامت تک برابر کر دے تو سوائے اللہ کے کون معبود ہے جو تمہارے پاس دن کی روشنی لائے ؟ کیا تم سنتے نہیں ہو ؟(71) پوچھئے ! کہ یہ بھی بتادو کہ اگر اللہ تعالیٰ تم پر ہمیشہ قیامت تک دن ہی دن رکھے تو بھی سوائے اللہ کے کوئی معبود ہے جو تمہارے پاس رات لے آئے ؟ جس میں تم آرام حاصل کرسکو، کیا تم دیکھ نہیں رہے ہو ؟(72)اسی نے تو تمہارے لیے اپنے فضل و کرم سے دن رات مقرر کردیئے ہیں کہ تم رات میں آرام کرو اور دن میں اس کی بھیجی ہوئی روزی تلاش کرو یہ اس لیے کہ تم شکر ادا کرو” ۔ (28:71-73)

“پوچھ تو کہ تم سب کو آسمان وزمین سے روزیاں کون پہنچا رہا ہے؟ اور کون ہے جو کانوں اور آنکھوں کا مالک ہے؟ اور کون ہے جو زندے کو مردے سے اور مردے کو زندے سے نکالتا ہے اور کون ہے جو تمام کاموں کا انتظام کرتا ہے اس کا جواب ان کے پاس یہی ہے کہ صرف اللہ ہے ، تو کہہ دے کہ کیا پھر تم بچتے نہیں ہو؟”{10:31}

“اور اگر تو ان سے دریافت کرے کہ زمین و آسمان کا خالق اور سورج چاند کو کام لگانے والا کون ہے؟ تو ان کا جواب یہی ہوگا کہ اللہ- پھر کدھر الٹے جارہے ہیں ”-(29:63)

“دریافت تو کر کہ اچھا یہ تو بتلاؤ کہ اگر اللہ تعالی تمہارا سننا اور تمہاری آنکھیں لے لے اور تمہارے دلوں پر مہر لگادے تو اللہ کے سوا کون ہے جو تمہیں یہ سب لادے ، دیکھ لے کہ ہم کس کس طرح دلائل بیان کر رہے ہیں۔ پھر بھی وہ روگرداں ہورہے ہیں”- {6:46}

“اچھا پھر یہ تو بتلاؤ کہ جو پانی تم ٹپکاتےہو- کیا اس کا انسان تم بناتے ہو یا پیدا کرنے والے ہم ہیں؟ ہم ہی نے تم میں موت کو متعین کر دیا ہے اور ہم اس سے ہارے ہوئے نہیں ہیں-

“اچھا پھر یہ بھی بتلاؤ کہ تم جو کچھ بوتےہو۔ (63) اسے تم ہی اگاتے ہو۔ یا ہم اگانے والے ہیں؟ (64)اگر ہم چاہیں تو اسے ریزہ ریزہ کرڈالیں اور تم حیرت کے ساتھ باتیں بناتے ہی رہ جاؤ”۔

“اچھا یہ بتاؤ کہ جس پانی کو تم پیتے ہو(68) اسے بادلوں سے بھی تم ہی اتارتے ہو یا ہم برساتے ہیں؟(69) اگر ہماری منشا ہو تو ہم اسے کڑواز ہر کر دیں پھر تم ہماری شکر گزاری کیوں نہیں کرتے ؟” {56:68-70}

“اچھا ذرا یہ بھی بتاؤ کہ جو آگ تم سلگاتے ہو ں اس کے درخت کو تم نے پیدا کیا ہے۔ یا ہم اس کے پیدا کرنے وال ہیں؟ ہم نے اسے سبب نصیحت اور مسافروں کے فائدے کی چیز بنایا ہے”-(56:71-73)

“تو کہہ کہ اچھا یہ تو بتاؤ کہ اگر تمہارے پینے کاپانی زمین چوس جائے تو کون ہے جو تمہارے لئے نتھر ا ہوا جاری پانی لائے؟”{67:30}

“یقینی بات ہے کہ آسمانوں اور زمینوں کو اللہ ہی تھامے ہوئے ہے کہ وہ ادھر ادھر نہ ہو جائیں اور یہ بھی یقینی بات ہے کہ اگر وہ لغزش کھا جائیں تو پھر اللہ تعالی کے سوا انہیں کوئی تھام بھی نہیں سکتا۔ بے شک اللہ تعالیٰ بہت ہی تحمل والا اور بہت ہی بخشنے والا ہے”۔{35:41}

“پوچھ تو کہ بھلا اپنے ان شریکوں کو ذرا مجھے بھی تو دکھاؤ جنہیں تم اللہ کے سوا پکار رہے ہو۔ مجھے دکھاؤ تو کہ انہوں نے زمین کا کونسا ٹکڑا پیدا کر دیا ہے؟ یا آسمان کے کس حصے میں ان کا ساجھا ہے؟ یا ہم نے انہیں کوئی کتاب دے رکھی ہے کہ وہ اس کی سند رکھتے ہوں؟ کچھ نہیں بلکہ یہ ظالم تو ایک دوسروں کو صرف دھو کے بازی کے وعدے دے رہے ہیں”۔

معبودانِ باطل کی مثال : {22:73,74} ”لوگو! ایک مثال بیان کی جا رہی ہے، ذرا کان لگا کر سن تو لو! اللہ کے سوا جن جن کو تم پکارتے رہے ہو وہ ایک مکھی بھی پیدا نہیں کر سکتے اگر چہ کہ وہ سارے کے سارے ہی جمع ہوجائیں، بلکہ اگر مکھی ان سے کوئی چیز لے بھاگے تو یہ تو اسے بھی اس سے چھین نہیں سکتے، بہت ہی کمزور ہے طلب کرنے والا اور بہت ہی کمزور ہے وہ جس سے طلب کیا جا رہا ہے(73) انہوں نے اللہ کے مرتبہ کے مطابق اس کی قدر جانی ہی نہیں ، اللہ تعالیٰ بڑا ہی زور و قوت والا اور غالب و زبردست ہے”۔

“سنواللہ تعالی مثال بیان فرمارہاہے۔ ایک وہ شخص جس میں بہت سے مختلف ساجھی ہیں اور دوسرا وہ شخص جوصرف ایک کاہی غلام ہے ،کیا یہ دونوں صفت میں یکساں ہیں؟ اللہ ہی کے لئے سب تعریف ہے۔ بات یہ ہے کہ ان میں سے اکثر لوگ بے علم ہیں”۔{39:29}

“کیا ان لوگوں نے اللہ تعالی کے سوا اوروں کو سفارش کرنے والا مقرر کر رکھا ہے۔ تو کہہ دے کہ گو وہ کچھ بھی اختیار نہ رکھتے ہوں اور نہ عقل رکھتے ہوں ۔ (43)کہہ دے کہ تمام سفارش کا مختار اللہ ہی ہے تمام آسمانوں اور زمین کا راج اسی کے لئے ہے تم سب اسی کی طرف پھیرے جاؤ گے”۔(39:43,44)

“اللہ کو چھوڑ کر ان کی عبادت کرتے ہیں جو نہ تو نہیں کوئی نفع دے سکیں نہ کوئی نقصان پہنچا سکیں، کا فرتو ہے ہی اپنے رب کی طرف پیٹھ کرنے والا-“(25:55)

“کہہ کیا تمہارے شریکوں میں سے کوئی ایسا ہے جو ابتدا مخلوق کو پیدا کرے۔ پھر دوبارہ اسے لوٹا دے؟ کہہ دے کہ اللہ ہی مخلوق کو ابتدا میں پیدا کرتا ہے اور وہی پھر اس کا اعادہ کرتا ہے سو تم کہاں سے الٹے پھرے جاتے ہو؟ ۔(34) پوچھ کہ کیا تمہارے شریکوں میں سے کوئی ایسا بھی ہے جو دین حق کی راہ دکھا سکے؟ کہہ دے کہ اللہ ہی دین حق کی رہبری کرتا ہے۔ پس جو حق کی راہ دکھائے۔ وہ پیروی کئے جانے کے زیادہ لائق ہے یا وہ جو خود ہی بغیر راہ دکھائے راہ نہ پاسکے تمہیں کیا ہو گیا' کیسا انصاف کرتے ہو؟ (35) ان میں کے اکثر تو صرف اٹکل پر ہی چلتے ہیں، ظاہر ہے کہ اٹکل اور گمان معرفت حق میں کچھ بھی کام نہیں دیتے، جو کام یہ کرتے ہیں سب سے اللہ تعالیٰ باخبر ہے-” (36)

“اللہ ہی ہے تم سب کا سچاپالنے والا ۔ پس حق کے بعد گمراہی کے سوا اور ہے ہی کیا ؟ پس تم کہاں پھرے جاتے ہو ؟”{10:32}

“اللہ تعالیٰ وہ ہے جس نے تمہیں پیدا کیا، پھر روزی دی، پھر مار ڈالے گا۔ پھر زندہ کر دے گا، بتاؤ تمہارے شریکوں میں سے کوئی بھی ایسا ہے جو ان میں سے کچھ بھی کرسکتا ہو؟ اللہ تعالیٰ کے لیے پاکی اور برتری ہے ہر اس شریک سے جو یہ لوگ مقرر کرتے ہیں”۔ (30:40)

“سن رکھو،آسمانوں میں اور زمین میں جو ہے، سب اللہ کا ہے،اللہ کے سوا اور شریکوں کو جو پکارتے ہیں، وہ پیروی نہیں کرتے، وہ تو صرف وہم کی پیروی کرتے ہیں اور محض انکل باندھتے ہیں”۔

اﷲ کے سوا کوئی حمایتی و مددگار نہیں : {33:17} “پوچھ تو! اگر اللہ تمہیں کوئی برائی پہنچانا چاہے یا تم پر کوئی فضل کرنا چاہے تو کون ہے جو تمہیں بچا سکے یا تم سےروک سکے؟اور یہ لوگ (یعنی کافر، مشرک)اپنے لئے اللہ کے سوا کسی کو اپنا بھی حمایتی نہیں پائیں گے اور نہ ان کے لئے کوئی مددگار ہوگا۔” ]یعنی تمہیں ہلاک کرنا، بیمار کرنا یا مال و جائداد میں نقصان پہنچانا یا قحط سالی میں مبتلاکرنا چاہے تو کون ہے جو تمہیں اس سے بچا سکے؟ یا اپنا فضل و کرم کرنا چاہے تو کون ہے جو اس کو روک سکے؟[

“ہم نے ہر امت میں رسول بھیجا کہ لوگو! صرف اللہ کی عبادت کرتے رہو اور اس کے سوا کے تمام معبودوں سے بچو پس بعض لوگوں کو تو اللہ نے ہدایت دی اور بعض پر گمراہی ثابت ہو چکی تم زمین میں چل پھر کر دیکھ لو کہ جھٹلانے والوں کا انجام کیسا ہوا؟”{16:36}

“ہم تو رسولوں کو صرف خوشخبریاں سنانے والے اور ڈرانے والے بنا کرہی بھیجتے ہیں۔ پھر جو ایمان لائیں اور نیک کام کریں ان پر نہ تو کوئی ڈر خوف ہے نہ اداسی اور مایوسی اور جو ہماری آیتوں کو جھٹلائیں انہیں ان کی بدکاری کے باعث عذاب پہنچیں گے”۔{6:48,49}

“مشرکوں کو جب ایمان لانے کو کہا جاتا ہے تو ان کا جواب ۔(2:170) “اور ان سے جب کبھی کہا جاتا ہے کہ اللہ تعالیٰ کی اتاری ہوئی کتاب کی تابعداری کرو تو جواب دیتے ہیں ہم اس طریقہ کی پیروی کریں گے جس پر ہم نے اپنے باپ دادوں کو پایا، گو ان کے باپ دادے بےعقل اور گم کردہ راہ ہوں”۔

بے ایمان کے کانوں میں بہرہ پن ہے سنتے ہی نہیں: “اگر ہم اسے عجمی زبان کا قرآن بناتے تو کہتے کہ اس کی آیتیں صاف صاف بیان کیوں نہیں کی گئیں ؟یہ کیا کہ عجمی کتاب اور آپ عربی رسول ؟ تو کہہ دے ! کہ یہ تو ایمان والوں کے لیے ہدایت و شفا ہے اور جو ایمان نہیں لاتے ان کے کانوں میں تو بہرا پن اور بوجھ ہے اور یہ ان پر اندھا پن ہے۔یہ وہ لوگ ہیں جو کسی بہت دور دراز جگہ سے پکارے جا رہے ہیں” ۔

“جوچاہے کرو اللہ دیکھ رہا ہے۔(41:40)” بیشک جو لوگ ہماری آیتوں میں کج روی کرتے ہیں وہ کچھ ہم سے مخفی نہیں بتلاؤ تو جو آگ میں ڈالا جائے وہ اچھا ہے یا وہ جو امن وامان کے ساتھ قیامت کے دن آئے ؟ جو تم چاہو کرتے چلے جاؤ اور وہ تمہارا کیا کرایاسب دیکھ رہا ہے”۔

“بعض لوگ ایسے بھی ہیں جو اللہ کے شریک اور وں کو ٹھہرا کر ان سے ایسی محبت رکھتے ہیں جیسی اللہ سے ایماندار- اللہ تعالیٰ کی محبت میں بہت سخت ہوتے ہیں کاش کہ یہ مشرک لوگ جانتے جب کہ اللہ کے عذابوں کو دیکھ کر جان لیں گے “(2:165)

“کہ تمام طاقت اللہ ہی کو ہے اور اللہ تعالی کے عذاب سخت ہیں۔ تو ہر گز شرک نہ کرتے جس وقت پیشوا لوگ اپنے تابعداروں سے بیزار ہو جائیں گے اور عذابوں کو اپنی آنکھوں سے دیکھ لیں گے اور کل رشتے ناتے ٹوٹ جائیں گے” (2:166)

“اور تابع دار لوگ کہنے لگیں گئے کاش کہ ہم پھر دنیا کی طرف دوبارہ جائیں تو ہم بھی ان سے ایسے ہی بیزار ہو جائیں جیسے یہ ہم سے اسی طرح اللہ تعالی انہیں ان کے اعمال کو دکھائے گا ان پر حسرت و افسوس ہے یہ ہرگز جہنم سے نہ نکلیں گے” ۔ (2:167)

“تو کہہ بھلا دیکھو تو جنہیں تم اللہ کے سوا پکارتے ہو مجھے بھی تو دکھاؤ کہ انھوں نے زمین کا کونسا ٹکڑا بنایا ہے؟ یا آسمانوں میں کونسا حصہ ہے ؟ اگر تم سچے ہو تو اس سے پہلے ہی کوئی کتاب یا کوئی نقلی علم ہی میرے پاس لاؤ” (46:4)۔

“اور اس سے بڑھ کر گمراہ اور کون ہوگا ؟ جو اللہ کے سوا ایسوں کو پکارتا ہے جو قیامت تک اس کی دعا قبول نہ کرسکیں بلکہ ان کے پکارنے سے محض بےخبر ہوں (5) اور جب لوگوں کو حشر کیا جائے گا تو یہ ان کے دشمن ہوجائیں گے اور ان کی پرستش سے صاف انکار کرجائیں گے-” (46:5,6)

“اور انھیں جب ہماری واضح آیتیں پڑھ کر سنائی جاتی ہیں تو منکر لوگ سچی بات کو جب کہ ان کے پاس آچکی، کہہ دیتے ہیں کہ یہ صریح جادو ہے۔(7) بلکہ کہہ دیتے ہیں کہ اسے تو اس نے خود گھڑ لیا ہے آپ کہہ دیجئے ! کہ اگر میں ہی اسے بنا لایا ہوں تو میرے لیے اللہ کی طرف سے کسی چیز کا اختیار نہیں رکھتے تم اس قرآن کے بارے میں جو کچھ سن رہے ہو اسے اللہ خوب جانتا ہے میرے اور تمہارے درمیان اظہار حق کرنے والا وہی کافی ہے اور وہ بخشنے والا مہربان ہے۔(8)آپ کہہ دیجئے ! کہ میں کوئی نیا پیغمبر تو نہیں نہ مجھے یہ معلوم ہے کہ میرے ساتھ اور تمہارے ساتھ کیا کیا جائے گا۔ میں تو صرف اسی کی پیروی کرتا ہوں جو میری طرف وحی بھیجی جاتی ہے اور میں تو صرف علی الاعلان کردینے والا ہوں”۔

“تو کہہ اگر یہ (قرآن) اللہ ہی کی طرف سے ہو اور تم نے اسے نہ مانا ہو اور بنی اسرائیل کا ایک گواہ اس کی گواہی بھی دے چکا ہو اور وہ ایمان بھی لا چکا ہو اور تم نے سرکشی کی ہو بیشک اللہ تعالیٰ ستم گر گروہ کو راہ نہیں دکھاتا۔(10) کافروں نے ایمانداروں کی نسبت کہا کہ اگر یہ دین بہتر ہوتا تو یہ لوگ اس کی طرف ہم سے سبقت کرنا نہ پاتے اور چونکہ انھوں نے اس قرآن سے ہدایت نہیں پائی تو یہ کہہ دیں گے کہ یہ قدیمی جھوٹ ہے“۔ (46:10,11)

“جس دن اللہ تعالی انہیں پکار کر فرمائے گا کہ تم جنہیں اپنے گمان میں میرا شریک ٹھہرا رہے تھے کہاں ہیں؟” (28:62)

“جن پر بات آ چکی اوہ جواب دیں گے کہ اے ہمارے پروردگار یہی وہ ہیں جنہیں ہم نے بہکا رکھا تھا ہم نے انہیں اسی طرح بہکا یا جس طرح ہم بہکےتھے ہم تیری سرکار میں اپنی دستبرداری کرتے ہیں یہ ہماری عبادت نہیں کرتے تھے”۔ (28:63)

“کہا جائے گا کہ اپنے شریکوں کو بلاؤ وہ بلائیں گے لیکن انہیں وہ جواب تک نہ دیں گے اور یہ سب عذاب دیکھ لیں گے۔ کاش یہ لوگ ہدایت پالیتے”۔ (28:64)

“اس دن انہیں بلا کر پو چھے گا کہ تم نے نبیوں کو کیا جواب دیا ؟” (28:65)

“پھر تو ان پر اس دن تمام خبریں اندھی ہو جائیں گی اور ایک دوسرے سے سوال تک نہ کریں گے”۔(28:66)

“ها ں جو شخص توبہ کر لے ایمان لے آئے اور نیک کام کرے یقین ہے کہ وہ نجات پانے والوں میں سے ہو جائے گا”۔{28: 67}

“اس دن سے ڈرتے رہو جب کوئی کسی کو نفع نہ دے سکے گا اور نہ شفاعت اور سفارش قبول ہوگی اور نہ کوئی بدلہ اور فدیہ لیا جائے گا اور نہ وہ مدد کئے جائیں گے-”

“اللہ تعالیٰ ان لوگوں کو کیسے ہدایت دے جو اپنے ایمان لانے اور رسول کی حقانیت کی گواہی دینے اور اپنے پاس روشن دلیلیں آجانے کے بعد کافر ہوجائیں، اللہ تعالیٰ ایسے بےانصاف لوگوں کو راہ راست پر نہیں لاتا۔(86)ان کی تو یہی سزا ہے کہ ان پر اللہ تعالیٰ کی اور فرشتوں کی اور تمام لوگوں کی لعنت ہو۔(87)جس میں یہ ہمیشہ پڑے رہیں گے نہ تو ان سے عذاب ہلکا کیا جائے گا نہ انھیں مہلت دی جائے گی۔ () مگر جو لوگ اس کے بعد توبہ اور اصلاح کرلیں تو بیشک اللہ تعالیٰ بخشنے والا مہربان ہے۔ () بیشک جو لوگ اپنے ایمان لانے کے بعد کفر کریں پھر کفر میں بڑھ جائیں ان کی توبہ ہرگز قبول نہ کی جائے گی یہی گمراہ لوگ ہیں۔()ہاں جو لوگ کفر کریں اور مرتے دم تک کافر رہیں ان میں سے کوئی اگر زمین بھر سونا دے گو فدیے میں ہی ہو تو بھی ہرگز قبول نہ کیا جائے گا۔ یہی لوگ ہیں جن کے لیے تکلیف دینے والا عذاب ہے اور جن کا کوئی مددگار نہیں”۔ (91)*/

“یقین مانو کہ کافروں کے لئے اگر وہ سب کچھ ہو جو ساری زمین میں ہے بلکہ اسی جتنا اور بھی ہو اور وہ اس سب کو قیامت کے دن عذابوں کے بدلے فدیے میں دینا چاہیں تو بھی نا ممکن ہے کہ ان کا یہ فدیہ قبول کر لیا جائے، ان کے لئے تو درد ناک عذاب ہی ہیں۔(36) یہ چاہیں گے کہ دوزخ میں سے نکل جائیں لیکن یہ ہرگز اس میں سے نہ نکل سکیں گے۔ ان کے لئے تودوامی عذاب ہیں”۔

“اگر ظلم کرنے والوں (شرک کرنے والے) کے پاس وہ سب ہو جو روءےزمین پر ہے اور اس کے ساتھ اتنا اور ہوتو بھی بد ترین سزا کے بدلے میں قیامت کے دن یہ سب کچھ دے دیں، اور ان کے سامنے اللہ کی طرف سے وہ ظاہر ہوگا جس کا گمان بھی انہیں نہیں تھا(47) جو کچھ انہوں نے کیا تھا، اس کی براءیاں ان پر کھل پڑیں اور جس کے ساتھ وہ مذاق کرتے تھےوہ انہیں آ گھیرے گا ( 39:47,48)”-

“یقینا ہم نے انسان کو بجتی ہوئی مٹی سے پیدا کیا ہے۔ (12) پھر اسے نطفہ بنا کر محفوظ جگہ میں قرار دے دیا۔ پھر نطفہ کو ہم نے جما ہوا خون بنادیا ۔ (13) پھر اس خون کے لوتھڑے کو گوشت کا ٹکڑا کر دیا۔ پھر گوشت کے ٹکڑے میں ہم نے ہڈیاں پیدا کر دیں۔ پھر ہڈیوں کو ہم نے گوشت پہنا دیا۔ پھر ایک اور ہی پیدائش میں پیدا کر دیا برکتوں والا ہے وہ اللہ جو سب سے اچھی پیدائش کرنے والا ہے۔ () اس کے بعد پھر تم سب یقینا مر جانے والے ہو۔ () پھر قیامت کے دن بلاشبہ تم سب اٹھائے جاؤ گے”۔ {23:12-16}

“ہم نے انسان کو پیدا کیا ہے اور اس کے دل میں جو خیالات اٹھتے ہیں ان سے ہم خوب واقف ہیں اور ہم اس کی رگ جان سے بھی زیادہ اس سے قریب ہیں۔ (16)جس وقت کہ وہ لینے والے لینے جاتے ہیں ایک دائیں طرف اور ایک بائیں طرف بیٹھا ہوا ہے۔ (17) انسان کوئی لفظ منہ سے نکالنے نہیں پاتا مگر کہ اس کے پاس نگہبان تیار ہے۔(18) موت کی سختی یقیناً پیش آئے گی یہی ہے جس سے تو بد کتا پھرتا تھا۔ (19)اور صور پھونک دیا جائے گا وعدہ عذاب کا دن یہی ہے۔ (20)اور ہر شخص اس طرح آئے گا کہ اس کے ساتھ ایک ہمراہ لانے والا ہو گا اور ایک گواہی دینے والا۔(21) یقینا تو اس سے غفلت میں تھا لیکن ہم نے تیرے سامنے سے پردہ ہٹا دیا پس آج تیری نگاہ بہت تیز ہے”۔ (50:16-22)

کا فر سرکش مشرکین کے لئے۔{50:23-29}“اس کا ہم نشین فرشتہ کہے گا یہ حاضر ہے جو کہ میرے پاس تھا (23)ڈال دو جہنم میں ہر کا فر سرکش کو (24)جو نیک کام سے روکنے والا حد سے گذر جانے والا اور شک کرنے والا تھا۔ (25)جس نے اللہ کے ساتھ دوسرا معبود بنا لیا تھا پس اسے سخت عذاب میں ڈال دو۔(26) اس کا ہم نشین شیطان کہے گا اے ہمارے رب ! میں نے گمراہ نہیں کیا تھا بلکہ یہ خود ہی دور دراز کی گمراہی میں تھا۔ (27)حق تعالٰی فرمائے گا بس میرے سامنے جھگڑے کی بات مت کرو میں تو پہلے ہی تمہاری طرف وعدہ عذاب بھیج چکا تھا۔(28) میرے ہاں بات نہیں بدلتی اور نہ میں اپنے بندوں پر ظلم کرنے والا ہوں”۔ (29)

“متقیوں کے لئے۔(50:31-35)” “اور جنت کی پرہیز گاروں کے لئے بالکل قریب کر دی جائے گی ذرابھی دور نہ ہوگی۔ (31)یہ ہے جس کا تم سے وعدہ کیا جاتا تھا ہر اس شخص کے لئے جور جوع ہونے والا اور پابندی کرنے والا ہو۔(32) جو رحمان کا غائبانہ خوف رکھتا ہو اور توجہ والا دل لایا ہو۔ (33)تم اس جنت میں سلامتی کے ساتھ جاؤ۔ یہ ہمیشہ رہنے کا دن ہے۔(34) یہ وہاں جو چاہیں انہی کا ہے بلکہ ہمارے پاس اور بھی زیادہ ہے”۔

قیامت کے دن کو جھٹلانے والوں کی بڑی خرابی ہے : {83:10-12} “اس دن جھٹلانے والوں کی بڑی خرابی ہے(10)جو جزا اور سزا کے دن کو جھٹلاتے رہے(11) اسے صرف وہی جھٹلاتا ہے جو حد سے آگے نکل جانے والا اور گناہگار ہوتا ہے۔” (12)

اللہ کے حکم کن فیکون سے قیامت واقع ہوجائے گی : {6:73} “وہی ہے جس نے آسمان اور زمین کو حق کے ساتھ پیدا کیا ہے، جب وہ فرماتا ہے ہوجا تو ہوجاتاہے۔اسی کا قول حق ہے اور اسی کا ملک ہے جس دن صور پھونکا جائےگا اللہ ہی کو پوشیدہ اور ظاہر کا علم ہے اور وہی حکمتوں والا خبرداری رکھنے والاہے۔”

قیامت کے دن دنیا میں کئے ہوئے اعمال کا پورا پورا بدلہ ملے گا : {3:185} “ہر جان موت کا مزہ چکھنے والی ہے ، قیامت کے دن تم اپنے بدلے پورے پورے دیئے جاؤ گے، پس جو شخص آگ سے ہٹا دیا جائے اور جنت میں داخل کر دیا جائے بیشک وہ کامیاب ہو گیا اور دنیا کی زندگی تو صرف دھوکے کی جنس ہے ۔]”موت سے کسی کو مفر نہیں۔ دنیا میں جس نے اچھا یا برا جو کچھ کیا ہوگا۔ اسکوپورا پورا بدلہ دیا جائے گا۔ کامیاب اصل میں وہ ہے جس نے دنیا میں رہ کر اپنے رب کو راضی کرلیا۔ جسکے نتیجہ میں وہ جہنم سے دور اور جنت میں داخل کردیا جائے گا۔ اور یہ کہ دنیا کی زندگی سامانِ فریب ہے۔ جو اس سے دامن بچاکر نکل گیا وہ خوش نصیب اور جو فریب میں پھنس گیا وہ ناکام ونامراد ہے۔[

قیامت میں نیکی بدی تولنے کے لئے ترازو لائے جائیں گے”:اللہ تعالیٰ نے حق کے ساتھ کتاب نازل فرمائی ہے اور ترازو بھی اتاری ہےاور تجھے کیا خبر شاید قیامت قریب ہی ہو”۔

{23:101-111}”پس جب کہ صور پھونک دیا جائے گا اس دن نہ تو آپس کے رشتے ہی رہیں گے نہ آپس کی پوچھ کچھ۔ (101) جن کی ترازو کا پلہ بھاری ہو گیا وہ تو نجات والے ہوگئے (102) اور جن کی تراز و کا پلہ ہلکا ہوگیا، یہ ہیں وہ جنہوں نے اپنا نقصان آپ کر لیا جو ہمیشہ کے لئے جہنم واصل ہوئے ۔ (103) ان کے چہروں کو آگ جھلستی رہے گی اور وہ وہاں بدشکل بنے ہوئے ہوں گے۔(104)کیا میری آیتیں تمہارے سامنے تلاوت نہیں کی جاتی تھیں؟ پھر بھی تم ا نہیں جھٹلاتے تھے۔(105) کہیں گے کہ اے ہمارے پروردگار ہماری بدبختی ہم پر غالب آگئی واقعی ہم تھے ہی گمراہ۔اے ہمارے پروردگار! ہمیں یہاں سے نجات دے اگر اب بھی ہم ایسا ہی کریں تو بے شک ہم ظالم ہیں۔(107)اللہ تعالی فرمائے گا پھٹکارے ہوئے یہیں پڑے رہو اور مجھ سے کلام نہ کرو۔میرے بندوں کی ایک جماعت تھی جو برابر یہی کہتی رہی کہ اے ہمارے پروردگار ہم ایمان لاچکے ہیں تو ہمیں بخش اور ہم پر رحم فرما تو سب مہربانوں سے زیادہ مہربان ہے لیکن تم انہیں مذاق میں ہی اڑاتے رہے یہاں تک کہ ان کے پیچھے تم میری یاد بھلا بیٹھے او تم ان سے مخول ہی کرتے رہے۔(110) میں نے آج انہیں ان کے اس صبر کا بدلہ دے دیا ہے کہ وہ خاطر خواہ اپنی مراد کو پہنچ چکے ہیں”۔(111)

قیامت کے دن کافر افسوس کریں گے۔“{25:25-29}جس دن آسمان بادل پر پھٹ جائے گا اور فرشتے لگا تار اتریں گے ۔ (25) اس دن صحیح طور پر ملک صرف رحمان کا ہی ہوگا۔ یہ دن کا فروں پر بڑا بھاری ہوگا۔(26) اس دن ستم گر شخص اپنے ہاتھوں کو چبا چبا کر کہے گا ہائے کاش کہ میں نے رسول کی راہ لی ہوتی۔ (27) ہائے افسوس کاش کہ میں نے فلاں کو دوست بنایا ہوا نہ ہوتا۔ (28) اس نے مجھے اس کے بعد گمراہ کر دیا کہ نصیحت میرے پاس آ پہنچی تھی شیطان تو انسان کو وقت پر دغا دینے والا ہے”۔ (29)

”اللہ ہر چیز کا پیدا کرنے والا ہے اور وہی ہر چیز پر قدرت رکھنے والا ہے۔(62) آسمانوں اور زمینوں کی کنجیوں کا مالک وہی ہے جن جن لوگوں نے اللہ کی آیتوں کا انکار کیا وہی خسارہ پانے والے ہیں۔ (63)تو کہہ دے کہ اے جاہلو' کیا تم مجھ سے اللہ کے سوا اوروں کی عبادت کو کہتے ہو؟(64) یقینا تیری طرف بھی اور تجھ سے پہلے کے تمام نبیوں کی طرف بھی وحی کی گئی ہے کہ اگر تو نے شرک کیا تو بلاشبہ تیرا عمل ضائع ہو جائے گا اور بالیقین تو زیاں کاروں میں ہو جائے گا۔ (65)بلکہ تو اللہ کی عبادت کرتا رہ اور شکر کرنے والوں میں سے ہو جا”۔(66)

“جیسی عظمت اللہ تعالیٰ کی کرنی چاہیے تھی نہیں کرتے: (39:67) “اور ان لوگوں نے جیسی عظمت اللہ تعالیٰ کی کرنی چاہیے تھی نہیں کی،ساری زمین قیامت کے دن اس کی مٹھی میں ہوگی اور تمام آسمان اس کے داہنے ہاتھ میں لپیٹے ہوئے ہوں گے وہ پاک اور برتر ہے ہر اس چیز سے جسے لوگ اس کا شریک بنائیں۔”

“کہدے کہ اگر وہ عذاب میرے بس میں ہوتے جن کو تم ابھی ابھی طلب کر رہے ہو تو کبھی کا ہمارا آپس کا جھگڑا طے ہو چکتا اللہ تعالی ظالموں کے حال سے بخوبی واقف ہے۔ غیب کی کنجیاں صرف اس کے پاس ہیں جنہیں اس کے سوا کوئی اور نہیں جانتا۔ وہ تری خشکی کی ہر چیز کا علم رکھتا ہے، جو پت جھڑے اس کا بھی اسے علم ہے۔ زمین کے اندھیروں میں کوئی دانہ اور کوئی تری اور خشکی ایسی نہیں جوکھلی کتاب میں نہ ہو”۔{6:59}

“اللہ تعالی سچا بادشاہ ہے۔ وہ بڑی بلندی والا ہے، اس کے سوا کوئی معبودنہیں، وہی بزرگ عرش کا مالک ہے ۔(116)جو شخص اللہ کے ساتھ کسی دوسرے معبود کو پکارے جس کی کوئی دلیل اس کے پاس نہیں، پس اس کا حساب تو اس کے رب کے اوپر ہی ہے بے شک کافرلوگ نجات سے محروم ہیں-(23:116,117)”

ہر روح نے اللہ تعالی کو اپنا خالق مانا: {7: 172,173}” جب تیرے پروردگار نے بنی آدم کی پیٹھ سے ان کی اولادیں نکالیں اور خود ان ہی کو “ان کا گواہ بنا دیا کہ کیا میں تمہارا پرورش کرنے والا نہیں ہوں؟ سب نے جواب دیا کہ بیشک ہو ہم گواہ ہیں، یہ اس لئے کہ کہیں قیامت کے دن تم یہ نہ کہدو کہ ہم تو اس سے بالکل بے خبر تھے۔(172)یا کہنے لگو کہ شرک تو پہلے ہی سے ہمارے بڑے کرتے رہے اور ہم تو ان کی نسلوں میں سے تھے، تو کیا توہمیں ان خطا کاروں کےجرم کی سزا میں ہلاک کر رہا ہے؟” (173) ]آدم سے اللہ تعالی نےان کی نسلیں ان کی پیٹھوں سے روز اول میں نکالیں، پھر ان سب سے اس بات کا اقرار کرلیا کہ رب ، خالق، مالک ، معبود صرف وہی ہے، اسی فطرت پر پھر دنیا میں ان سب کو ان کے وقت پر اس نے پیدا کیا، یہی وہ فطرت ہے جس کی تبدیلی ناممکن ہے، بخاری و مسلم میں ہے کہ ہر بچہ فطرت پرپیدا ہوتا ہے، ایک روایت میں ہے کہ اس دین پر پیدا ہوتا ہے، پھر اس کے ماں باپ اسے یہودی، نصرانی یا مجوسی بنا دیتے ہیں، جیسےکہ بکری کا بچہ صحیح سالم پیدا ہوتا ہے لیکن پھر لوگ اس کے کان کاٹ دیتےہیں، حدیث قدسی میں ہے کہ میں نے اپنے بندوں کو موحد و مخلص پیدا کیا، پھر شیطان نے آکر انہیں انکے سچے دین سے بہکا کر میری حلال کردہ چیزیں ان پر حرام کردیں۔[

“اسے نگاہیں نہیں پاسکتیں اور وہ تمام نگاہوں کو پالیتا ہے۔وہ تو بہت ہی باریک بیں اور بڑا ہی واقف ہے”۔{6:103}

“یہود کہتے ہیں عزیر اللہ کا بیٹا ہے۔ نصرانی کہتے ہیں مسیح اللہ کا بیٹا ہے ،یہ قول صرف ان کے منہ کی بات ہے، اگلے منکروں کی بات کی یہ بھی ریس کرنے لگے، اللہ انہیں غارت کرے کیسے پلٹائے جاتے ہیں”۔{9:30}

“یہ کہتے ہیں اللہ کی اولاد ہے (نہیں بلکہ ) وہ پاک ہے۔ زمین و آسمان کی تمام مخلوق اس کی ملکیت میں ہے اور ہر ایک اس کا فرمانبردار ہے(116) وہ زمین و آسمان کا ابتدا پیدا کرنے والا ہے۔ وہ جس کام کو کرنا چاہے کہ دیتا ہے کہ ہو جا۔ بس وہ وہیں ہو جاتا ہے “۔{2:116,117}

“ان لوگوں نے اللہ کو چھوڑ کر اپنے عالموں اور درویشوں کو اللہ بنایا ہے اور مریم کے بیٹے مسیح کو بھی، حالانکہ انہیں صرف ایک اکیلے اللہ ہی کی عبادت کا حکم کیا گیا تھا، جس کے سوا کوئی معبود نہیں، وہ پاک ہے ان کے شریک مقرر کرنے سے”۔{9:31}

آسمانوں و زمین کی پیدائش کے وقت اللہ کسی کو بھی موجود نہیں رکھا تھا (18:51):"میں (اللہ) نے انہیں آسمان و زمین کی پیدائش کے وقت حاضر نہیں رکھا تھا اور نہ خود ان کی اپنی پیدائش میں - اور میں تو گمراہ کرنے والوں کو اپنا مددگار نہیں بنانے والا ہوں ۔"

"نہ تو اللہ نے اولا دلی ہے نہ اس کے ساتھ اور کوئی معبود ہے ورنہ ہر معبود اپنی مخلوق کو لئے لئے پھرتا اور ہر ایک دوسرے پر بلند ہونا چاہتا' جواد صاف یہ بتلاتے ہیں ان سے اللہ نرالا ہے۔(91) وہ غائب حاضر کا جانے والا ہے اور جو شرک یہ کرتے ہیں اس سے بالا تر ہے"۔ (23:91,92)

“کوئی معبود اس کے سوا نہیں۔ تمام چیزوں کا پیدا کرنے والا ہے تو تم سب اس کی عبادت کرو۔ وہ ہر ہر چیز کا کار ساز ونگہبان ہے “-

“لوگو ! تمہارے پاس تمہارے رب کی طرف سے دلیلیں آچکیں، اب جو دیکھے وہ اس کا اپنا ہی نفع ہے اور جو اندھا ہوجائے اس کا وبال اسی پر ہے ، میں تم پر کچھ محافظ تونہیں” ۔

“اور یہ کہتا رہ کہ تمام تعریفیں اللہ ہی کے لئے ہیں جو نہ اولاد رکھتاہے نہ اپنی بادشاہت میں کسی کوشریک وساجھی رکھتا ہے۔ نہ وہ ایسا حقیر کہ اس کا کوئی حمایتی ہو اور تو اس کی پوری پوری بڑائی بیان کرتارہ”۔(17:111)

“ہر ایک کے دل میں نیکی اور بدی ڈال دی گئی ہے: “{91:7-10}قسم ہے نفس كي اور ا سے درست بنا نے كي، پھر قسم ہے اس كے دل میں بدي اور نيكي ڈالنےكي.جس نے اسے پاک کیا وہ کامیاب ہو- اور جس نے اسے خاک میں ملا دیا وہ ناکام ہوا۔”] درست کرنے کا مطلب ہے اسے تمام اعضاء کا تناسب میں بنانا، بے ڈھبا اور بے ڈھنگا نہیں بنانا۔ الہام کا مطلب یا تو یہ ہے کہ انہیں اچھی طرح سمجھا دیا اور انہیں انبیا علیہم السلام اور آسمانی کتابوں کے ذریعہ سے خیر و شر کی پہچان کروا دی یا مطلب ہے کہ ان کی عقل اور فطرت میں خیر و شر، نیکی اور بدی کا شعور ودیعت کردیا۔ تاکہ وہ نیکی کو اپنائیں اور بدی سے اجتناب کریں (یعنی بدی سے بچ کر رہیں) شرک سے، معصیت سے (گناہ سے) اور اخلاقی آلائشوں سے پاک کیا وہ اخروی فوزو فلاح سے ہم کنار ہوگا۔ جس نے اپنے نفس گمراہ کر لیا وہ خسارہ میں رہا یعنی جس نے اپنے نفس کو چھپادیا اور اسے بے کار چھوڑدیا اور اسے اﷲ کی اطاعت اور عملِ صالح کے ساتھ مشہور نہیں کیا وہ ناکام ہوا ۔[

“لوگو اللہ تعالیٰ نے تمہیں مٹی سے پھر نطفہ سے پیدا کیا ہے پھر تمہیں مرد عورت بنا دیا ہے۔ عورتوں کا حاملہ ہونا اور بچوں کا تولد ہونا سب اس کے علم سے ہی ہے اور جو بڑی عمر والاعمر دیا جائے اور جس کسی کی عمر کم ہو وہ سب کتاب میں لکھا ہوا ہے۔ اللہ تعالیٰ پر یہ سب بالکل آسان ہے ۔(11)اور برابر نہیں دو دریا۔ یہ میٹھا ہے، پیاس بجھاتا ہے۔ پینے میں رچتا پچتا اور یہ دوسرا کھاری ہے کڑوا۔ تم ان دونوں میں سے تازہ گوشت کھاتے ہو اور وہ زیورات نکالتے ہو جنہیں تم پہنتے ہو اور تو دیکھتا ہے کہ بڑی بڑی کشتیاں پانی کو چیر نے پھاڑنے والی ان دریاؤں میں ہیں تا کہ تم اس کا فضل ڈھونڈو اور کیا عجب کہ تم اس کا شکربھی کرو ۔(12)رات کو دن میں اور دن کو رات میں داخل کرتا ہے۔ آفتاب و ماہتاب کو اس نے کام میں لگا دیا ہے۔ ہر ایک معیاد معین پر چل رہا ہے یہی ہے اللہ تم سب کا پالنے والا۔ اس کی سلطنت ہے۔ جنہیں تم اس کے سوا پکاررہے ہو وہ تو کھجور کی گٹھلی کے چھلکے کے بھی مالک نہیں۔(13) اگر تم انہیں پکارو تو وہ تمہاری پکار سنتے ہی نہیں اور اگر بالفرض سن بھی لیں تو قبول نہیں کر سکتے بلکہ قیامت کے دن تمہارے اس شرک کا صاف انکار کر جائیں گے۔ تجھے کوئی بھی حق تعالی خبر دار جیسی خبریں نہ دے گا”۔(14)

“اللہ تعالیٰ ارشاد فرما چکا ہے کہ دو دو معبود نہ بناؤ معبود تو صرف وہی اکیلا ہی ہے پس تم سب صرف میرا ہی ڈر خوف رکھو۔(51) آسمانوں میں اور زمین میں جو کچھ ہے سب اسی کا ہے اور اس کی عبادت لازم ہے کیا پھر بھی تم اس کے سوا اوروں سے ڈرتے رہتے ہو؟” (16:51,52)

“تمہارے پاس جتنی بھی نعمتیں ہیں سب اس کی دی ہوئی ہیں اب بھی جب تمہیں کوئی مصیبت پیش آجائے تو اس کی طرف نالہ و فریاد کرتے ہو۔(53) اور جہاں اس نے وہ مصیبت تم سے دفع کر دی تو تم میں سے کچھ لوگ اپنے رب کے ساتھ شریک کرنے لگ جاتے ہیں(54) کہ ہماری دی ہوئی نعمتوں کی ناشکری کریں اچھا کچھ فائدہ اٹھا لو۔ آخر کار تو تمہیں معلوم ہو ہی جائے گا”۔ {16:53-55}

“ اللہ کے ساتھ شریک نہ کرنا بیشک شرک بڑا بھاری ظلم ہے”۔ (31:13)

شرک کرنیوالوں کا انجام: {22:31} “یکسو ہوکر اللہ کےبندے بنو اور اس کے ساتھ کسی کو شریک نہ کرنا۔ سنو! اللہ کے ساتھ شریک کرنے والا تو گویا آسمان سے گر پڑا، اب یا تو اسے پرندے اچک لے جائیں گے یا ہوا کسی دور دراز کی جگہ پھینک دے گی۔”

اللہ تعالیٰ شرک کو قطعاً نہیں بخشے گا“{4:116}:اسے تو اللہ تعالیٰ قطعًا نہ بخشے گا کہ اللہ کے ساتھ کسی کو شریک کیا جائے، ہاں شرک کے علاوہ گناہ (سب کچھ معاف کیا جاسکتا ہےجسے وہ معاف کرنا چاہے) اور اللہ کے ساتھ شریک کرنے والا بہت دور کی گمراہی میں جاپڑا۔” (4:116)

اللہ مشر ک پر قطعا جنت کو حرام کر دیتا ہے: “{5:72}یقین مانو کہ جو شخص اللہ کے ساتھ شریک کرتا ہے، اللہ اس پر قطعا جنت کو حرام کر دیتا ہے، اس کا ٹھکانا جہنم ہی ہے اور گناہگاروں کی مدد کرنے والا کوئی نہیں”۔

“ اﷲ کے سوا بندوں کو اپنا حمایتی بنالینے والوں کا انجام {18:102}: “کیا کافر یہ خیال کئے بیٹھے ہیں؟ میرے سوا وہ میرے بندوں کو اپنا حمایتی بنالیں گے؟ سنو ہم نے تو ان کفار کی مہمان نوازی کے لئے جہنم کو تیار کر رکھی ہے ۔(کافر جہنم میں جانے سے پہلے جہنم کو اور اس کے عذاب کو دیکھ لیں گے اور یہ یقین کر کے کہ وہ اسی میں داخل ہونے والے ہیں ، داخل ہونے سے پہلے ہی جلنے کڑھنے لگیں گے،غم ورنج ڈر خوف کے مارے گھلنے لگیں گے(”۔

“جن لوگوں نے کفر کیا اور اللہ کی راہ سے لوگوں کو روکا اور رسول کی مخالفت کی اس کے بعد کہ ان کے لئے ہدایت ظاہر ہوچکی یہ یقینا ہرگز ہرگز اللہ کا کچھ نقصان نہ کریں گے، عنقریب ان کے اعمال وہ غارت کردے گا” ۔ (47:32)

“جو کوئی جہالت سے برے عمل کرے پھر تو بہ کرے اور اصلاح بھی کرلے تو پھر بھی تیرا رب بلا شک وشبہ بڑی بخشش کرنے والا اور نہایت ہی مہربان ہے” ۔

“یہ لوگ کیوں اللہ تعالیٰ کی طرف نہیں جھکتے اور کیوں استغفار نہیں کرتے؟ اللہ تعالیٰ تو بہت ہی بخشنے والا اور بڑا ہی مہربان ہے”۔(5:74)

“تم اپنے رب سے استغفار کرو اور اس کی طرف جھک جاؤ، یقین مانو کہ میرا رب بڑی مہربانی والا اور بہت محبت کرنے والا ہے”۔ (11:90)

“اللہ تعالیٰ جسے اپنا برگزیدہ بنا لے ، اور جو بھی اس کی طرف رجوع کرے وہ اس کی صحیح راہنمائی کرتا ہے”۔(42:13)

“اے میرے رب تو بخش اور رحم کر اور تو سب مہربانوں سے بہتر مہربانی والا ہے” (23:118)

“ برابر نہیں اندھا اور دیکھتا اور نہ اندھیرے اور نہ اجالا ۔(19)اور نہ سایہ اور نہ لو( دھوپ )۔ (20) اور نہیں برابر ہوتے زندے اور نہ مردے۔(21) اللہ جسے چاہے سنا دے۔ تو انہیں نہیں سنا سکتا جو قبروں میں ہیں”۔(35:19-22)

” کیا وہ جو مومن ہو مثل اس کے ہے جو فاسق ہو؟ برابر نہیں ہو سکتے ۔ (18) جن لوگوں نے ایمان قبول کیا اور نیک اعمال بھی کئے ان کے لئے پیشگی والی جنتیں ہیں مہمان داری ہے ان کے ان اعمال کے بدلے جو وہ کرتے تھے۔ (19)لیکن جن لوگوں نے حکم عدولی کی ان کا ٹھکانا دوزخ ہے جب کبھی اس سے باہر نکلنا چاہیں گے اس میں لوٹا دیئے جائیں گے اور کہدیا جائے گا کہ اپنے جھٹلانے کے بدلے آگ کا عذاب چکھو۔ (20)بالیقین ہم انہیں قریب کے چھوٹے سے بعض عذاب اس بڑے عذاب سے پہلے اس کے سوا بھی چکھائیں گے تاکہ وہ لوٹ آئیں“۔(32:18-21)

“اس سے بڑھ کر ظالم کون ہے جسے اللہ کی آیتوں سے وعظ کیا گیا۔ پھر بھی اس نے ان سے منہ پھیر لیا یقین مانو کہ ہم بھی گنہگاروں سے انتقام لینے والے ہیں”-(32:22)

“اور جو اللہ کے ساتھ کسی دوسرے معبود کو نہیں پکارتے اور کسی ایسے شخص کو جسے قتل کرنا اللہ تعالیٰ نے منع کر دیا ہو، وہ بجز حق کے قتل نہیں کرتے نہ وہ زنا کے مرتکب ہوتے ہیں اور جو کوئی یہ کام کرے، وہ اپنے اوپر سخت وبال لادے گا(68) اسے قیامت کے دن دوہرا عذاب کیا جائے گا اور وہ ذلت و خواری کے ساتھ ہمیشہ اسی میں رہے گا(69) سوائے ان لوگوں کے جو توبہ کریں اور ایمان لائیں اور نیک کام کریں، ایسے لوگوں کے گناہوں کو اللہ تعالیٰ نیکیوں سے بدل دیتا ہے ، اللہ بخشنے والا مہربانی کرنے والا ہے(70) اور جو شخص توبہ کرے اور نیک عمل کرے وہ تو حقیقتًا اللہ تعالیٰ کی طرف سچا رجوع کرتا ہے(25:68-71)”-

“پس تو اپنا رخ اس سچے اور سیدھے دین کی طرف ہی رکھ اس سے پہلے کہ وہ دن آ جائے جس کی بازگشت اللہ کی طرف سے ہے ہی نہیں ۔ اس دن سب متفرق ہو جائیں گے۔ (43) کفر کرنے والوں پر ان کا کفر ہو گا اور نیک عمل کرنے والے اپنی ہی آرام گاہ سنوار رہے ہیں۔ (44) تا کہ اللہ انہیں اپنے فضل سے جزادے جو ایمان لائے اور نیک عمل کئے ۔ وہ کافروں کو دوست رکھتا ہی نہیں”۔(30:43-45)

“ہم نے کتنی بستیوں کو جو طاقت میں تیری اس بستی سے زیادہ تھیں جس سے تجھے نکالا گیا ہم نے انھیں ہلاک کردیا جن کا مددگار کوئی نہ اٹھا۔(13) کیا ' پس وہ شخص جو اپنے پروردگار کی طرف سے دلیل پر ہو اس شخص جیسا ہوسکتا ہے ؟ جس کے لیے اس کا برا کام مزین کردیا گیا ہو اور وہ اپنی نفسانی خواہشوں کا پیرو ہو ۔ “(47:13,14)

“زمانے کی قسم ،بیشک وبالیقین انسان سراسر نقصان میں ہے،سوائے ان لوگوں کے جو -1 ایمان لائے -2 اور نیک عمل کئے اور 3 -جنہوں نے آپس میں حق کی وصیت کی اور -4 ایک دوسرے کو صبر کی نصیحت کی”۔{103:1-4} ٭٭٭